lxxxwunderbari ding ſind beſchehen by denen zytē Eyn comet erſchein eyn vierfüſſig kintvnd eyn anders mit zweyen ſcheitelen ſind geboren worden zuͦ biſancz bluͦtfarend ſpervnd eyn hel liecht ſint geſehen worden durch die gancze nacht Eyn kint ward geboren on ougen vn̄ hend dz do was vnder dem gürtel hinab alß eyn fiſch in Nilo by egipten erſchinen zwey tier menſchlicher form eyn man vn̄ eyn frouwe grüſelich von angeſicht garnoch by einem tag die ſunne von morgen an byß zuͦ mittem tag mindert ſichgarnoch das drit teyl welche ding alle ſint betütent etwas nuwes Etlich ſchaczten dzes betütet eyn vürchlich vnd wunderbare volgung oder ſecta der Sarracener alſo genant die garnoch das dritteil d̓ criſtenheyt in kurczem an ſich brocht vn̄ nit lang nochdiſen zyten vffgeſtanden. Die groſſe lectania iſt vffgeſeczet worden von dem heiligen Gregorio vn̄ erſchein ein engel vff dem ſchloß Adriani alſo genāt vn̄ die engel ſungent zuͦ dem erſten das geſang Regina celi vnd vß gnod hort die plog vff an den goͤtternAuguſtinus eyn erlicher münch vnd ein heyliger man ward geſant mit dem iohanne vn̄ Mellito vnd vil andrer die Engelſchen zuͦ bekeren vnd merck das dick wardgeſaget von mengerley richen vn̄ prouincien dz die dick ſint bekert worden zuͦ dē glouben dann er nit alle zyt in ynen belieben iſt durch mancherley vrſachen Als ouch vonEngellant Franckenrich Perſia Iudea in dem ſunderlich Rom gefriget wz dann doſelbs der gloub petri nie verlaſch Furſeus eyn heiliger man vnd eyn ſuͦn des künigshybernie iſt namhafftig gehalten geſin in der ſelben zyt.Ior der welt vj. dcc.xciij.eyn bichtherrSregoried̓ erſt. xiij.ior. vi. monat. x tag.eyn roͤmer vß dem vatter Gordiano ſenator edel vō geburt vil edler vß tugend aber von heilikeit aller edleſteyn würdiger münch deſ ordens des heiligſtē vattersBenedicti eyn knecht d̓ knecht gottes der titel d̓ gāczen demuͤtikeyt ward hie vff geſeczet den obreſten byſchoffen vnd weret byß hüt.Die ior chriſti. d.xciiij.Diſer Gregorius ward geſaget groͤs durch vilerley ſachen die er überflüſſigklich gehebt hat mitnamen die mechtikeyt Richtuͦm Tuͤgent Adel wißheyt Heilikeyt Ruͦffvn̄ übung nüt was ime verborgen in allem ſtat der do ouch in allem ſtad ſich gebruchthat vnder ime Rügeten die boͤſe d̓ vergangnen zyt von ſinem vnnutzbarlichem bruchdurch den er d̓ kilchen gottes wachend forgangen iſt ſint vil buͤcher geſchriben Aberer eyn fürnemmer doctor einem von dem vieren wie vil er erſchriben hab iſt die ganczekilch gemeinlich eyn gezüg Er allein ouch mit dē heiligen Fabiano noch ſanct peetergoͤllicher ſchickūg in dē ganczē kathalago der biſchoffen zudē babſtum iſt vff genomēEr hat ouch vil vffgeſaczet als man vindet in ſinem regiſter in canone alſo genant Addidit dieſqz noſtros ⁊cͣ. hat ouch gemachet dz man ſprichet Deus inadiutoriuꝫ vor dēanfang der zyten Das gancz kilchen ampt mit eym hübſcheren ſtilum vnd ordenklicher vnd begriffelicher mit eynē nuwen fund hat zuͦſamen geſeczt das beliben iſt biß hütvnd ward geheyſſen Gregorianum von allen empteren es ſien biſchoff oder andre prelaten od̓ vndertonen über dz wie groſſer gnodē er erſchinen ſig wie von groſſem liechtder kunſt er begobet ſig wie groſſen liß er gehebt hab wie er man wer durch biſpel ſiner werck vnd ſchrifften den gegeuwürtigen vnd zuͦkünfftigen derch die toͤtlich zungkum oder genczlichen nit vß breyten.
