lxxxij Machamet eyn betrieger d̓ welt eyn falſcher prophet eyn bot ſathane eyn vorgēger Untechriſti eyn volendung d̓ keczerye vn̄ aller falßheyt eyn wund̓ by diſen zyten vieng er an zuͦ erzeügen ſin vnſinekeyit Er wz ouch eyn heid vnd eyn ſchnoͤder kouffman vn̄ war eyn fürſt d̓ moͤrder ſubtiliglich er ouch die Arabes alſo genant zuͦ Ime zog die zuͦ dē ſelbē zytē ſer beſchwert wurdē von Eraclio Er gewan ouch perſas vn̄ vil and̓ volck den er gabſin geſacz ſprechend dz er were eyn heiliger prophet von got geſant ⁊cͣ. das leret vn̄ ouch einer d̓ do hieß Sergius eyn Apoſtat von dem glouben vnd ouch von der ſamelung d̓ müncheyt d̓ das geſacz gemacht hat d̓ hat ouch ab gezogen dem huß da uid das iſt der kilchen gottes zehen teil als der ander Ieroboam wann er garnoch die gancz welt betrogen hat hetten ouch genczlich den gloubē vß gerütet es wer den̄ ſach das karolus vnd etlich ander fürſten mit gottes hilff ſin miterer nit hetten gezwungen Er hat ouch biß vff hüt vaſt zuͦ genomen vnd ouch abgenomen das iſt. M. cccc. lx. ſin end hetgot erkent. Dogobertus eyn geſchickter man In allen ſinen tugenden iſt geſin eyn künig zuͦ franckenrich by welches zyten die kilch des heiligen Dioniſij von goͤtlicher ſchickung zuͦ pariß gebuwen iſt worden Sigibertus eyn ſuͦn des künigs dagoberti do er geteuffet ward von dem heiligen amando eynen biſchoff traiecten̄. alſo genanr Antwurt er noch eyn Iüngling. xl. tag mit heler ſtim Amen. Die zal machometi iſt alchagera. d̓ ſich in ſunderheyt die von arabien gebruchent vn̄ ander heiden vnd alß Campanus do vō ſeyt iſt geſin im ior chriſti. dc. xxi. xij. tag noch dem tag oder verkündung vnd enpfengniß chriſti alſo dz ſich zwiſſent der enpfengniſ chriſti vnd d̓ zal der heiden ſich hand verlouffen zwei hundert tuſent. xxvi. tuſent. viij hundert. xxxij. tag huͦb an am dunrſtag vnd wen̄ vnſer frouwē verkündung geſchach am fritag vnd merck dz die heiden ſich gebruchent der ior die man heiſſet mon ior der eyns halt. xij. mon geng das iſt. cccliiij. tag on in biſextili das iſt im ſchalt ior wenn in xix. ioren ſind. xi. ſchalt ior d̓ yetlichs hat. ccclv. tag ſo kunt es am anfang. Merck de̓r eben vmbkreyß des mons. xxx. ior die man mon ioriheiſt bringt die mittlen vmbkreyß zuͦ eym glichen anfang der zyt Ior der welt vᵐ. dccc. xiij. Bonifacius. v. ior. xiij. tag. Camganus Die ior chriſti. dc.xiiij. Diſer bonifacius hat vff geſaczet dz keiner werd gezogen vß d̓ kilchen vn̄ dz kein Aco lit vff heb das heiltum do by man mercket wie vor zyten groß geyſtlichkeyt iſt geſin in der Criſtenheyt dz ward zuͦ denen zyten den gelerten verbotten dz nun die frouwen on vnderſcheit alle tuͦn doͤren Alchoranꝰ dz buͦch ward gemacht von machameto vn̄ ſi nen dryen meyſteren denen d̓ boͤß geiſt gab gewalt vnnd vernunfft d̓ erſt meiſter was eyn iud eyn groſſer ſternenſeher Der ander was Iohannes von anthiochia eyn keczer der drit was ſergius Arrianus alſo genant die hatten gemacht das vnmenſchlich geſacz. das abſchneid was im glouben treffenlich wz vn̄ hert vnd ſchwer in d̓ wirkung. vnd erloubtent alles dar zuͦ die welt lüt geneigt worent alß freſſerig vnküſcheyt wib. ⁊cͣ. do durch betrugēt ſie in kurczerzyt vil vnuernünftiger lüt aber ſittēmol dz dz geſacz zuͦ vaſt vnerlich vnd vngeordenet was etlich durch menſchlich ſcham bewegt hand vil geenderet od̓ hand alß vß leger etliche ding die zuͦ vaſt vnwor worēt vernünfftiglich X
zum Hauptmenü