lxxxiiij Hie merck fliſſenklich dz vil boͤſe ding harnoch gon wann ein herſchafft verſert wirt das ouch vor an erſchinen hat von den aſſirier meder vnd perſer vnd kriechen vnd vil ander vnd ſunderlich von roͤmern vnd vorab hie wann als die heiden Sarraceni genāt angiengen ſicilien vnd nyemant wer der ir tyranny widerſtünd brochten ſie ouch vnder ſich hyſpania allenthalben vßzuͦdilcken den criſtin namen ouch in welchem trübſal vil heiliger marterer geworden ſind die ſtet im glouben beliben vnd was eyn groß trübſal denn wann eyn herſchafft betrübt ward ſo nement die boͤſen lüt eyn geherczikeyt boͤſes zuͦ thuͦnd vnd ſich vnd anderen zuͦ berouben in leben vnd in ler vnd zuͦ verkeren das volck vnd die fuͤrſten vnd iſt fürwor eyn grüſelich ſchouwung wie die arm welt on vn derlos ward bewegt iſt es ouch nit hert genūg noch arbeyt vnd trübſal zuͦ leſt vnder geworffen worden der herſchafft des todes wann genglich nüt ſo vil vnd grymigē plo gen getent werden Es iſt ouch nit genuͦg dem menſchlichen geſchlecht eyn mol genomen han von got den herten ſentencz der verdamnis es ſig denn ſach dz er durch ſün. den vil me vff geb darumb iſt die ſünd allein eyn vrſach diſer armuͦt. Reyſer Conſtan tinꝰ d̓. iij xxvij ior Diſer Conſtantinus iſt geſin eyn ſuͦn Conſtantini eyn ſuͦn Eraclij dem do im vierde monat ſins richs von ſiner ſtieffmuͦter vergeben ward vnd darumb das er cleine zyt regiert hat darumb ſchribet man nit vil von im Diſer conſtantinꝰ iſt im noch gangen die ſtieff. muͤter aber iſt vßlendig worden vn̄ iſt geſin eyn boͤſer tyrann vnd eyn ſchalckhafftiger ketzer vnd gancz vntruwe vnd den criſtin gancz gehaß Er hat dē bobſt martino ouch nüt überſchen als er ouch fuͦrt eyn ſtrit wider lamparter ward er von ynē überwundē vnd als er gon rom kam vnd erlich von dem bobſt vitelliano vnd den burgern enpfangē widergald er es nit noch der guͦtheyt die man im ine hat gelegt als dann eynen fürſten zam darnoch begieng er eyn groſſe tyranny vnd kilchenroub alle hübſche gezierd ab zuͦ werffen vn̄ enweg zuͦfuͤren Darumb zuͦ leſt ward er von ſinen rittern die ſin boßheyt nit lenger liden wolten Im bad ertoͤtet vn̄ als er ermelichen gelebt hat ſo iſt er vnſelig. lichen geſtorben noch gewonheyt d̓ kilchenrouber vnd der tyrannē als ouch got rech teklich richtet die ſinen Iar der welt vv. dcccxliiij mareſnaſeꝰ d̓ erſt. vi. ior j. mo nat. xxvi. tag Diſer martinus iſt heilig geſin vnd ſer geſtritten vmb den glouben do in eyner mit vßgezognenm ſch vert noch vor dē altar erdoͤtē wolt als bald ward er blind Er ouch berüfft in der ſtat die ſam lung vnd verdamnet den Syrum Allexandrum Sergiuꝫ pirruꝫ vnd paulum die keczer dorumb Conſtantinus in dz ellend ſchickt ſin feſt begod mā im. x. tag des Nonembers Eugenii der erſt. ij ior. viij. monat. xxij. tag. Diſer Eugenius eyns heiligē lebēs geſin allen menſchen lieb gehabt vn̄ milt begraben dÿ ſanct peter. Die ior chriſti dc.xliiij.
zum Hauptmenü