lxxxviij.Uuillibrordus mit ſinen. xij. geſellen iſt komen in Engenlant darnoch geworden eynbiſchoff zuͦ traiecten̄. Pippinus der erſt herczog in franckenrich hat vil ſig gehabtvnd die frieſen überwunden iſt ouch geſin Im glouben eyn Criſt vnd eyn ſunderlicherbeſchirmer d̓ kilchen gottes Aber er in eim iſt übergangen dz er eyn zyt hat volbrochtden Ebruch diſer hat gehebt eyn ſchloß zuͦ Coͤln das do geheyſen ward das Capitolium vnd iſt nun die kilch der Iungfrouwen Marie die die edel künigin von franckērich mit namen plechtrudis ſin huſfrouwe geſtifft hat vnd mit küniglichem buwe gezieret Diſer pippinus hat gefürt die frieſen zuͦ dem glouben Iſt ouch namhafftig geſinzuͦ den zyten die heilig iungfrouwe Noitburgis ir tochter deren Coͤrpel begraben lytzuͦ Coͤln vnd erſchinen von vil wunderzeichen.Diſer ſergius hat wider gebrocht das Concilium Acquilegienſem vnd wolt nit nemēdas. vi. Concilium Conſtantinopolitanam vnd was groſſe irrung in der kilchen dannzwy gemeyn Conc lia ſtritten widerenander.Ior der welt vᵐ. dccc. xciijXerianed̓ erſt. ix.ior.Die ior chriſti. dc.xciiij.Diſer ſergius von groſſer heilikeit vnd eyns loblichen lebens iſt geſin vnd in ſim erwegung iſt groß irrung geſin wann eyn teil der gelerten erwelet Theodorum den erczprie/ſter das ander teyl paſcalem aber zuͦ leſt vß gottes verhengniß vereinigeten ſich in dē erlichen man diſer vff der offenbarung gottes leget den lichnam des heiligen Leonis deserſten gon vuirſenburch diſer hat ouch gefunden in einem finſtren ort das groͤſſeſt teyldes heiligen Crüczes hat ouch den künig von Engenlant d̓ die ſachſſen getoͤufft hattrü mol heiſſen ſingen das Agnus dei zuͦ der meß begraben by ſanct peter.Hyſpani by diſen zyten fingen an groͤßlich kriegē wider die heydē vnd haben vß goͤtlicher ſchickung eyn clein erterich wider gancz Affrica beſchirmet von hilff byß yetzdes erwirdigen Apoſtels Sant Iacobs Suche die gemein hiſtorien hyſpanie vnd vindeſt eyn erlich ſamlung der Criſtenen ritter
