c. Rarol der. iij. xij. ior. Diſer karolus hat geheiſſen d̓ grob oder der iung beſaß welſchland vn̄ tüſchland frid lich ward durch iohannem keyſer gecroͤnt zuͦ leſt noch erwirdigem geſig brocht er die normandÿer zum glouben wenn ſie mochtent den franczoſen nit me widerſton regniert iiij. ior über die franckenricher ward vnnücz vnd abgeſeczt Die vngerer ſtundent vff eyn grob vngeziert volck ward vß ſicilien von pincernatis ver triben koment in vngeren oder panonien blibent do vnd tribent vß die Inwoner eſſent row fleyſch vnd trunckent menſchen bluͦt alß phalangi darnoch überfielent Rom vnd roubtent d̓ kilchen guͦt eyn lange zyt als vormolß gotht alſo ward die widerwertikeyt nit vnderloſſen Flander ward eyn grofſchafft vnd balduinus der erſt grof. Romania ward bekert in geburt darnoch ward robertus geborn der gewan Apulien Calaber vnd Sycilien überwand die venediger vnd Alexium der kriechſchen keyſer aber welſchland was zuͦ vaſt verhergt eb ſie mit rollone eyn bund machtent wenn als die tüſchen ſohent das koͤl vnd trier verbrant worent vereintent ſich mit den franczoſen alſo ward rollo eyn herczog von Normandig getoufft vnd nam gillam des künige tochter zuͦ der E ward vff normandig beſtetiget Ien der xelt.iijᵐxxiij Baͤbſt. Martin d̓. ij. j. ior v. monat Diſer martinus iſt nit lang bobſt geſin noch adrianꝰ der adrianus ordenet dz ſich der keyſer der wal eins bobſtes in keinerlei wiß vnd̓wünd aber die ord nung hat nit vil krafft wenn leo d̓ viij ordenet glich dor wider. dz er ſolt der wal ſich vnderwinden villicht noch d̓ zyt louff muͦſt mā ouch anders ordenē extra de ſponſalibus Non debet Apaian d̓. iij.j. ior. iij. monat steffa d̓.v. vi. ior. ix. monat. Roͤmer In den zyten des Steffani ward d̓ lip Sanct Mal tins verwandlet von ſtat villicht vmb forcht willē der normandirr vnd merck dz die buͤcher nit einhellig ſind von der zyten diſer bobſt mit der linien der keyſer Aber es iſt nit groß macht es iſt genuͦg das wir die zyt recht teylent vnd was gedechtniß wir dig iſt gedencken. Die ior chriſti dccc.xciiij. Leyder leider her got wie iſt das golt verblichen vnd finſter worden vnd die beſt farb verwandlet wie leſen wir ſo groß ſchand die fuͤrgangen iſt zuͦ diſer zyt ouch im ſtuͦl zuͦ rom den du doch byß her in ſo groſſer liebi behut heſt wie vil krieg figentſchafft hat hoffart durechtung. vnd infloͤß ſind geſchehen o die aller boͤſt zyt do die heilikeyt hat abgenumen vnd die worheyt iſt gemindret worden von den kinderen d̓ menſchen aber noch den zyten ſind vil heilger baͤbſt geſin aber nit alſo on vnderloß vnd ſo vil alß vor. Ach E was ſamlung wer menſch iſt yecz ſicher ſo die erſt heilikeyt alſo abnimpt.
zum Hauptmenü