cij. Keyſer Conradꝰ hugo vi ior. Eyn tüſcher Diſer conradus eyn ſuͦn indowici wird vnder den keyſeren nit gezalet wann er nit hat In ytalia ſunder in tüſchenlan/ den allein regiert Diſer hugo in ytalia hat alleyn regiert darumb werd er vnd̓ den keyſeren nit gezalet er nochuolget hat Berengario. Berēga rius d̓. ij viij. ior Uon diſem Berengario iſt keyn mithel. lung in dē buͤcheren wann er regiert hat Etlich ſagent noch dem erſten Berengario die andern noch dē hugoni es iſt aber nit zuͦ achten diſe zyt iſt ſer zerſtreuwet geſin wer bas mocht der det baß Der orden Cluniacenſer hat by denen zyten angefangen vn̄ wart volbrocht in groſſer demuͤtikeyt vnd brunſt vnd het die regel des heiligen Benedicti Odo eyn heiliger mā ir erſter vatter Die heyden die by denen zyten herſcheten in ytalia ſint überwundē vō Iohanne dem bobſt vnd dem marggrofen Alberico Die vngern die vingen an zuͦuer wüſten Rom vnd die anderen güter der kilchen vnd brechen gancz Rüſſenlant zuͦ toͤden man vnd frouwen vnd tragen alle ding mit inen enweg Taxis was ir künig d̓ nam von Berengario. x. müt pfennig vnd darnoch alle ior komen ſie wider vnd woren gewon durch vil zyt anzuͦrennen das ertrich der roͤmer die vrſach des boͤſen iſt geſin die grofmutikeyt der Roͤmer wann ſie den vorgenanten marggrofen vßtriben hatten vnd darumb hat er ſich alſo gerochen zuͦ berüffen die vßlendigen als Narſes geton hat vor zyten In der zyt Iuſtini des andren darnoch ward er erſchlagen. Ior der welt viᵐ. c. xxiij. Baͤbſt. Laudo. v. monat. xxi tag. Eyn roͤmer Diſer laudo hat wenig regiert Iohannes d̓. x. xiij ior ij. monat. iij tag Eyn roͤmer Diſer iohannes iſt geſin eyn ſuͦn des bobſt Sergij mit natur vnd ouch vō ſitten er nam ouch ein biſtum vnd zuͦ leſt ward er armlich von guidonis ritteren erſchla gen vnd do er behalten ward in dem kergker do legten ſie ein küſſen vff ſin munt noch im eyn anderer Ioͤhannes ward ingeſtoſſen aber bald wider heruß geworffen vn̄ doramb ward er nit geſeczet in der zal wann er nit iſt geſin. Die ior chriſti dcccc.xxiiij.
zum Hauptmenü