cxi Reyſer Lotharius d̓ i xij. ior Eyn herczog von ſachſſen Diſer lotharius iſt geſin eyn heiliger man vnd getruwe d̓ kilchen vnd ward gekroͤnet von Innocencio dem andren dem er ouch trülich halff wider petrum leonis Diſer hat den heiligen Bernhardum in groſſen eren gehalten Und die anderen geiſtlichen man durch welcher verdienſt er glorieret ſich groß ſyg behalten han vnd ſunderlich wider den Rogerū ein anleuffer des richs Cecilie den er ieuchet vnd eyn andren vß enpfelniß gunſt des bobſts inſaczt Malachias eyn heiliger man namhafftiger Erczbiſchoff zuͦ hybernia der das gancz volck bekeret ſin leben hat beſchriben Bernhardus. Richardus von ſanct Uictor vil miltikeit iſt eyn namhafftiger doctor Tyrus ward ingenomen von den Criſten vnd lütich ward geploget von vil plogen von Erdbidum ⁊cͣ. vnd Baluinus d̓ künig zuͦ theruſalem ward gefangen Spicz erſchinen in dem hymel die moß ſtot ſtil vnd ander vil wund̓ ſind geſin die do villicht die zuͦkünftige Tyrannen der Tartarer betütet hat es was ouch eyn groſſer wind warff vmb die türn vnd gebuwe Flandria eyns teyl ertruncket Tartari vß goͤtlicher verhengniß by den zyten vßgon den berg do ſie In beſchloſſen warent In groß iomer vn̄ hunger wan̄ ſie ſer gemenget woren Eyn ſchnoͤd vn̄ vnfruchtbar volck vn̄ plogten darnoch die welt alle ding vnderſich zuͦwerffen als by dem moyſi Ich wurt ſie ſtroffen mit einem torech ten volck Eyn groß wunderzeichen wie die die do In groſſer dienſtbarkeyt geſin ſind Iecz nit von gewer ſunder vß boͤlczē vn̄ ſtecken alle ding nider gelegt hant vn̄ herſche über alle Oherr din gericht Alſo vorzyten Aſſirij medy vnd perſy Greci vnd Romani Gothi huni vnd wandali Sarraceni vn̄ Arabes bulgari Affricani Franczoſen Tüſchē Türcken vnd hyſpanier ⁊cͣ. ſint geſin die geiſel dines zorns yetliche in ſiner zyt dorum̄ das d̓ menſch nit vnder dir ſin wolt Ior der welt viꝰ. ccc. xxiij. Baͤbut Honori d̓. ij. v. i or. ij. monat. viij. tag. Bononienf Die ior chriſt dcccc.xxiiij Diſer henorius nam in gnod rogerium vn̄ ſaczt yn In dz herczogtum Apulie do er im globt lehenſchafft d̓ wz eyn künig Sicilie vn̄ det darnoch groſſe ding vm̄ das glouben willen Diſer hat ouch zwen patriarchen abgeſeczt Aquilegien̄. vnd den Uenedigern wenn er fand dz ſie gunſt geben hatten den die zerteylung an zuͦ leſt ſtarb er vnd begraben zuͦ Rom in d̓ kilchen lateran̄. vnd d̓ rogerius darnoch ward abgeſeczet von Inno cenclo wann er im wider was. Die xviij. zerteylung d̓ kilchen iſt geſin by den zyter genant bn̄dict d̓ her huͦbſich vß gunſt des keyſers wid̓ gelaſium vn̄ ouch wid̓ Calixtu dornoch aber er iſt armklich verdorben vnd die recht erwelet woren die behielten als gewon wz Es was eyn groſſe füchtikeyt dz flüß ſee brunnen Eyſternen truckēneten Es gieng ouch tür in dz ertrich dz in zweyen ioren nit von waſſer erleſche mocht werden vn̄ was eyn grüſeliche plog vn̄ eyn frouwe gebar vier knaben. Petrus abaelardus eyn fürnemmer doctor aber als er vil in die keczerig ward er vō in nocencio verdamt vnd den lon der erloͤſung hat er geleret.
zum Hauptmenü