Seite
cxiiij. Behemmen ward ein rich was vor eyn herczogtuͦm die ſunn verlürt iren ſchin es wz groſter hunger vnd turi Es was ouch vaſt eyn groſſer Ertbidum Anthiochia tripolis vnd damaſcus fielent. l. tuſent menſchen ertrunckent das mer liff hinderſich dryg mon erſchinent vnd mitelen in eyn crücz iij. ſunnen wurdent geſehen darnoch verlor die ſun̄ iren ſchin von. vi. byß non zyt. Die Coͤrper der heilgen. iij. künig wordent von meylant gon koͤl gefuͤrt durch Rey­noldum eyn biſchoff von koͤl zuͦ denen zyten was koͤl in weſen Eyn gruſamliche geſicht geſchach dem biſchoff lingonen̄. von eim einſidler d̓ was ge­Forben wie. xxx. tuſent menſchen mit im geſtort en werent ſanct Bernhart wer glich gon hymmel kummen vnd. iij. in das fegfür. die andren In die ewig pin der hell. Sanct thomas von Cantelberg eyn Erczbiſchoff ward gemarteret in Engenlant vnd det vil wunderzeychen Heinricus eyn künig von Engenlant ſchickt ſin ſendbotten entſchuldiget ſich ſins tods halb iij. ior darnoch nam er dz crücz anſich ſtarb vn̄ ward erhaben vnd canoniſiert von allexandrg Icxᵐder elt.iijᵐ.cccclxxvj. Alleran der Diſer beſtetiget der Cartuſer orden mit vnderſchribung aller Cardi­nal vnd enpfing yn in den ſchirm ſanct peters vnd gab im friheiten dar noch gab Lucius vnd ander. xi. ouch friheiten vnd ſtifftent cloͤſter. Diſer Alle xander iſt eyn ſtrenger man geſin hat eyn lang ſcilma xvij. ior überwand Ir im noch einander vnd bant ſie. die ſturbent al boͤſes tods er behielt ouch überhand wi­der den keyſer vnd brocht vn zuͦ vereinung hielt. ij Conſilia eins zuͦ Turon Das ander zuͦ Rom. zuͦ leſt do er alle ding geſtilt vnd geſaczt kam er erwirdiglich gon Rom. vnd ſaczt die wider vn die vmb ir ſtetikeyt willen vßgeſtoſſen worent ſtarb vn̄ ward begra­ben in dem friden chriſti Die ior chriſti M. c. lxiiij Die keczerig waldenſium oder der armen zuͦ ludun hebt an der was ein anfang waldē ſis eyn burger zuͦ ludin der was rich verließ als ſin guͦt vnd wolt armuͦt halten als das euangelium ſeit vnd ließ im ſchriben etliche buͤcher der biblen In leyen ſproch mit et­lichen ſpruchen der heilgen die die er nit wol verſtund was alſo hoehs ſins dz ſich an nam zuͦ triben das ampt der xij. botten er prediget vmbendumb ſchickt die ſin ouch dz ſie predigeten ſeigt vil irrung wann man ſie warnet das ſie do von ſtundent ſprochent ſie man ſolt got billicher gehorſam ſin denn den menſchen verachtetent die prelaten vn̄ prieſter zuͦ leſt wurdent ſie vmb vngehorſam gebaͤnt vnd vß dem land vertriben vnd in concilium fuͤr keczer erkant vnd geſchach den einfeltigen zuͦ groſſem ſchaden vn̄ ſchād den demuͤtigen vnd geiſtlichen vnd wolt got das es hütt eyn end het.