cex.Irſal vfferſtuͦnd In dem rich nach dem tod Heinrici durch die zweitrechtikeit der erweler wan etlich hatten erwelt Philippum den hertzogen in ſchwaben ein bruͦder derſelben heinrici Die andren Ottonem ein ſun des hertzogen von ſachſſen vnd iſt wordēein groß widerwertikeit vnd krieg in tütſchen landen zuͦ letſt fürgieng Otto wann derbapſt Innocentius hielt es mit Im wan Philippus als bald er friden mit Ottone gemachet hat ward er heimlich von dem land graffen erſchlagen vnd alſo behielt Ottovnd kam gen rom vnd wart gekroͤnet von Innocentio wider rat vnd willen viler. vnddie ſegnūg gekeret ward in verfluͤchung wan an dē ſelben tag als er den eid brach fiēger an zuͦ tyranniziern groͤblichen wider die kirchen daūrb wart er als bald in den bangethon vn̄ abgeſetzet vnd zuͦ letſt ſtarb er in vngehorſame.Reiſer.philipus.xp. haConſtantinopel wart wider gebracht zuͦ den chriſten vndBalduinus ein grauff zuͦ Flandern wart do keiſer gemachtLiuonia ein groß region In ſeptentrio wart bekert zuͦ dem chriſten glouben.Maria von Degines iſt namhafftig von wunderzeichen In dem biſtuͦm zuͦ Lütich iſtgeſtorben Mccxiij. by den Iaren ires alters. xxxvij. vnd vil andre Iunckfrowen vndwitwē ſind da ſelbs vermahelt worden.Dominicus ein hyſpanier vnd ein heiliger man Ouch ein nachuolger der baͤpſtlichenvolkōmenheit durchwunderbare guͤte hat er durchechtet die ketzer iſt namhafftig vōwund̓zeichen vnd vff geſetzet den orden der Iacobiter oder prediger.Helinandus ein münich Beluacen̄. eins heiligen lebens hat die Cronica geſchribenvon anfang der welt vnd von der widerbringung der veruallenen vnd anderewilhelmus ein pariſer hat angefangen den orden d̓ Auguſtiner die ouch betler heiſſenDas crütz wart geprediget fünff mal vnd das iſt im lufft bezeugt wordē wan cruͤtz mencherlei farben ſind fünff mal offenlich erſchinen in den lüfften.Albertus eī patriarch zuͦ hierlin hat vnſer frowen bruͤder orden vffgeſetzt in dem kergcarmeli. Sanct peter ein Meilend̓ wart darnach gehalten ein namhafftige̓ marternoch ein kind. Sanct Clara iſt namhafftig von tugenden. Uil der crütz zeichetēſint erlich gefarē zuͦ himel vn̄ eine̓ diumirus wart gepiniget dz er dz crütz wolt p̄digē.Frāciſcus eī vtalier eī mā des vnſchetzberlichē brunſt vn̄ eine̓ großē volbringūg d̓ euangelier armuͦt als ein erlüchtig exempel iſt nāhafftig vnd hat den barfuͤſſer orden geſtiftIar der welto.iijᵐcccxccij.Baͤpſtiij Celeſtinus. vj. Iar. viij. monet. xj. tag.RomanusIar chriſti. ijᵐcxciiijDiſer Celeſtinus wart gekroͤnet am heiligē oſtertag vnd an dem andern tag kroͤnet erheinricū den keiſer er hat ouch laſſen machen den palaſt zuͦ ſanct peter.Merck das zuͦ den ziten werden geleſſen erlich mirackel vnd vil offenbarung ſind geſchehen von dē vngerechten kouffmanſchatz vnd wuͦchery vnd in dem leben Marievon Degines wirt geſagt von einer witwen eins heiligen lebens deren die Iunckfrowmarie mit ſanct petern by iſt geſtanden am hinderſten ſüfftzen vn̄ kum die tüffel enwegtriben vnd zuͦ letſt kam der her ſelber vnd volbracht das ampt der graͤbung ſie entgiegouch darumb nit der pin des fegfüres wan ir man was ein kouffmā geſin vnd etlich guͤter durch trügery überkōmen Er hat ouch etlich von den dienern des hertzogen vonLauonia beherberget die da von vnrechten gewonnen guͦter vil darin vßgaben X
