cxxi Keyſer. Agerereꝰ cus d̓ iii xiij. ior Diſer Ludowicus iſt geſin eyn herczog in beyern vn̄ verachtet die kronung vnſers hey ligen vatters des bobſts darumb ward er abgeſeczt vnd im viel vil arbeit vn̄ widerwer tikeyt zuͦ er vnderſtund ouch d e einigung der kilchen zerteylen überwand Friderch d̓ den herczogen von oͤſterich der wid̓ yn erwelt was er bleib hert in widerwertikeyt vnd vnge borſam byß an dz end ſchuͦff ſiner ſel groſſen ſchaden zuͦleſt ward karolus wi der in erwelt der überwand yn Ludwig fiel vom pferd vnd ſtarb. Thomas von aquino eyn heiliger doctor ward erhaben am.l. ior noch ſim tod. Thomas eyn biſchoff von erfurt ward erhebt̓ Ludwig eyn biſchoff zuͦ toloß ward erhebt Ein ſuͦn des künigs von Sicilien prediger ordens. Das buͦch das man Clementin heiſt ward gedffenbort vnd geſchickt in die hohen ſchuͦlen durch Iohannem den. xxij. Die armen von ludun die ſich namtēt vom dritten regel Sanct Franciſcus werdent verdampt vnd an vil orten als keczer ver brant mit iren irrigen artikelē Einer artickel was dz xp̄s vn̄ die. xij. botten nüt hettet weder eygen noch gemein vnd dz ſie kein gerechtikeyt hettent dar zuͦ dz die geſchrifft ſeyt ſie haben gehan. Ior der welt viꝰ. d. xiij Baͤbſt Durch iohannez den. xxij. iſt erkent od̓ erlüteret alß ein ewigen ſpruch das d̓ ſig zuͦ achten alß eyn keczer d̓ do ſeit dz chriſtus vnd die.xij botten nit habent gehan eyges oder in gemein Itez ſagen dz in chriſto vnd ſinen xij. botten nit ſig macht vnd gewalt geſin dz ſie mochtent bruchen enweg geben do durch anders überkummen dz die heilig geſchrifft ſeit ſie haben gehabt hat d̓ ſelb iohannes erkant vn̄ erlüteret ſig keczerig Die ior chriſti M. cccc. xiiij. Diſer Iohannes der. xxij. hat geſamlet vß den buͤcheren ſiner vorfaren dz vß ſanct Be nedictus orden ſint. xxiiij. baͤbſt geweſen ſint Cardinel. clxxiij. Erczbiſchoff. M. cccclxiiij. biſchoff. iijᵐ. d. ij. Treffenlich Ebt xv. tuſent. lxx. vnd der ſelb orden hat gehan erhebter heiligen vᵐ. d. lv. Die. xxi. zerteilung iſt geſin zwiſſent Iohanne dem xxij. vnd eim andren petro vō carbario barfuͤſſen ordens vrſach was tyranni ludwigs der vnderſtund die einigung d̓ kilchen zerteylen vmb dz iohannes der bobſt yn in ban det darumb warff er den petruꝫ vff als eyn abgot vnd ert yn er ſchuͦff aber nüt wenn es ward bald fuͤrkomen Petrꝰ neiget ſich byß an die fuͤß idhannis vnd begert gnod vnd behielts dochh ward er als ein fiendt gehalten al ſin lebtagen.
zum Hauptmenü