hoͤcht mein weg von eüern wegen. vn̄ mein gedenck von eüern gedencken. vn̄ wie der regen vn̄ der ſchnee abſteigt von dē himel vn̄ dahin nit wid̓ kōmt ſund̓ er trenckt vnd geuſt das erdtreich vnd macht das gruͦnē. vnd er gibt dē ſamen dē ſaͤendē. vnd dz brot dē eſſendē. alſo wirt dz wort das außgeen wirt von meinem mund. Euangelium. In. i. t. D. j. tur. in. Ego ſum lu mundi ⁊cͣ. Iohan. viij. In der zeit/ ſprach iheſus zuͦ dē ſchare der iudē. ich bin dz g liecht der welt wer mir nachuolget der wandelt nit in der vinſternuß ſunder ee wirt haben das liecht des lebens. dar umb ſprachen die gleißner czuͦ ÿm. du gibſt gezeügnuß vō dir ſelber dein gezeügnuß iſt nit war. Do antwurt jh̓s vn̄ ſprach czuͦ yn/ vn̄ ob ich geczeügnuß gib von mirſelb ſo iſt mein gezeügnuß war. wann ich waiß wānen ich bin kōmē vnd wa ich hingee. aber ir wiſt nit wānen ich kōme vnd wa ich hingee. wan ir richtent nach dē fleiſch. aber ich vr teÿl memāt. vn̄ ob ich vrteÿl ſo iſt mein vrteÿl war. wa ich bin nit allein ſund̓ ich vn̄ der mich geſand hat d̓ vater Vn̄ in eüerm geſecz iſt geſchriben das zwaier menſchē ge/ czeügnuß war iſt. ich bin d̓ ich zeügnuß gib von mir ſelber vn̄ auch czeügnuß von mir gibt der mich geſandt hat der vater. Do ſprachen die judē. wa iſt dein vater. jheſus ant wurt/ weder mich wiſſent ir noch mein vater. wā wiſtēt yr mich. villeicht wiſtent ir auch mein vater. Diſe worte redt iheſus in d̓ ſchaczkamer lerend in dē tēpel. vn̄ niemāt begriff ÿn. wan ſein ſtūd was nochnit kūmen. An dem fünfften ſuntag judica Epiſtel. Frēs. Criſtus exiſtens pontifex futurorū. ad Hebre. ix. I Ruder. Criſtus iſt weſenlich biſchoff der künfftigen guͦter vil mer vnd volkōmenli cher tabernackel. nit mit d̓ hādt gemacht. das iſt nitt diſes geſchoͤpffes. noch auche durch das bluͦt d̓ boͤck od̓ der kelber. ſund̓ durch ſeineigen bluͦt iſt er jngangē eineſt iij