.vij. ijᵐdccccv. Saruch vixit an. cc. xxx ijᵐcclxiiij. iijᵐxxxv. Nachor an. cxlv­iij. ijᵐclxiiij. .iijᵐcxiiij. Thare an. ccv. Im jor vor xp̄s gebuͦrt ijᵐlxxxv. Abtgoͤterig got vff Merck überliheſtu wol die hyſtorien ſo hād in ſunderheit drü ding die mēſchen zuͦ abtgoͤtterig brocht. die begirlich liebe zuͦ den totē. forcht vnd liebkoſung gegen dē künigē. fliß der hāt­wercklüt in bild grabung. Die tüfel aber die in den abtgoͤtē verborgen worēt hand durch antwurt die ſü goben alſo vaſt die yrrūg beſtetiget vn̄ geueſtiget das mā eyn ſtrofft mit pen des houbts wer ſich do wid̓ ſatzt dor zuͦ kam ouch die betrüglich lo­bung der poeten die die armen verdamptē lüt mit iren geſatzten gedichten in den himmel huͦbet gar hübſchlich ſchickt zuͦ der ſel ben zit alß die tüfel an huͦbent mit den lüten zuͦ reden der guͤtig got ouch ſyn engel etli­chen erwelten das ſü ouch ſichtiglichē mit inen redettent do mit nit die gantz mēſcheit in der aller boͤſten irrung verdürb. Der Thare iſt vßgāgen noch dem todt ſins ſüns aram vō dem caldeiſchenn vr vnd iſt komē in charram mit ſinē ſuͦnen̄ vnd nefen mā ſeit ouch das er vm̄ wid̓­drieß halb der im von ſinen geſellenn ge­ſchach dor vm̄ das er nit wolt an betten das für enweg zoͤg. man ſeit ouch gemei lich den hebreiſchen das nemroth do re­giert hab der ouch āraphel genāt ward ein künig Sennaar den lang dor noch Abraham über wand vnd in ſchluͦg alß ſtodt gen̄. am. xiiij.