viij. Die groben vnd vnkünnenden zit in denē das mēſchlich geſchlecht zuͦuaſt abnam ni­der ſcherff oder clarheit des naturlichen lichts dor vmb muͦſt man vff ſetzen die geſa­ztē recht vff daſ ir durch hülff d̓ mēſch zuͦ ſiner vodrigē natürlichē v̓ſtentniß kaͤm dor von ſich den heilgen doctor prima ſecūde Merck das vil vnbürlich geſatz vō dē men ſchen vff geſetzt wordē ſint wider das vrteil rechter vernunft vnd vil lüt die in macht oder wiſheit geachtet ſind worden trefliger den die andren hat mā für got gehaltē wē alles das vngewont was hat man für goͤtlich geachtet. telexion Der telexion iſt der fünft künig ſichoīo­rū geſyn die wil der ſelb regniert worēt ſo guͦt vn̄ froͤlich zit das noch ſym todt ert alß ein got mit opferē firē vnd mit ſpilen die mā macht ouch im zuͦm erſtē noch dem kam thuriacꝰ by des ſelben begrebniß was ouch gewōheit zuͦ op­fern̄. melchiſe dech. Der würt ge­meinlich genant der gerecht kü­nig vmb ſiner groſen heili­keit willen er gab win vnd brot abrahe zuͦ einer bezeigūg groſer heimlicher heilikeit was ouch ein prieſtr des oͤbreſten gots. Trier ein alti ſtadt wirt gebuwē vff d̓ muͦſel. Uor Rom iſt Trier geſyn Mccc. jor. eb ih̓s was die welt vᵐcc. minder ein jor. Die künig aſſirorum. iij ſemi­ramis. Die ſemiramis ein witwen nini die ſelb kriegt wider die indier vnd brocht ſuͤ vnderſich alſo wart gewytret das rich aſſiriorū durch gātz aſi am ſü hat ouch die groß ſtad babilon gebwet vnd vmbgebē mit muren. Mā ſeit die ſelb ſige von irem ſün nino getoͤttet wordē dor vmb das ſü vō im begert das er ſü beſchlieff alſo ſeit au­gꝰ im xviij. vō der ſtat gots der meiſter in d̓ hyſtoriē ſeit das ſü heb irē eigennē ſuͦn zuͦ der Ee genūmen vn̄ hab vō im geborū ein ſuͦn d̓ heb babilō gebwet eī houbt deſ richs iiij ninꝰ Der Ninus ein ſün des groſen nini vn̄ ſemiramidis d̓ iiij künig aſ ſiriorū vnd alß man ſeit ſo hat er ſin muͦter ertoͤt. varrius. Der iſt geweſen der v künig aſſiriorn̄ vn̄ der dem yſac gebo­renn ward alß augꝰ ſeit. Abraam ſchluͦg iiij künig vmb loths willē dor vm̄ das ſü in hattēt gefāgē alſo ſtot gen̄. am xiiij d̓ ſelbē einer ſeit mā ſige nemroth geſin vn̄ hie heiſet mā in amraphel.