I. 3. b
Herzor Heinrîch von Presselâ. "Ich klage dir, meie, ich klage dir sumerwunne, Ich klage dir, liehtiu heide breit, cod. Par. Ich klage dir ougebrehender klê, Ich klage dir gruener walt, ich klage dir sunne, Ich klage dir Venus sendiu leit, Daz mir diu liebe tuot so wê! Welt ir mir helfen pflihten, Sô trûwe ich daz diu liebe muezze rihten Sich ûf ein minneklicches wesen. Nû lat iu sîn gekündet mîner kumber Dur got, unt helfet mir genesen." – 2 – "Waz tuot sî dir? Lâ hoeren uns die schulde, Daz âne sache ir iht geschê Von uns, wan daz ist wîser sin." "In liebem wâne habe ich wol ir hulde, Wonne aber ich viurbas ihtes jê, Sî giht, ich sterbe, ê solh gewin Mir von ir werde ze teile: Daz ist ein tôt an minneklichem heile conj. Ben. Owê daz ich sî ie gesach Diu mir in herzelieber liebe reichet cod. Par. Sô bitterlîches ungemach."