"Helt das sol dir sin gesait. Hiltebrant bin ich gehaissen. Vnd bin von garten ovch geborn. Nu la dirs niht wesen zorn Ze manheit wil ich raisen. Den vil lieben herren min. Der ist geborn von berne . Her dietherich ist der name sin. Ich dien im harte gerne. So ich iemer allen beste kan. Sin swert zecht er drate. Vnd lief den risen an. XVIII. Die stang der ris ze handen nan. Ze hant do luf er in och an. Do Huog vf in der alte. Ain also krefteclichen slak. Das er da vor im nider lak. Der rise im ovch erschalte. Das hovbt er kam vf sinuͥ knie. Der stolze degen maere. Er wolt waenen das im hie. Der lip benomen waere. Von des starken risen slak. Schos im das swert von handen. Das es fer vor im lak. XIX. Der rise sprank da er vant. Das swert vnd zuht mit siner hant. Von der erde schiere. Er sprach du alter griser man. "Du muost zuo dinem herren dan.
zum Hauptmenü