"Vnd waerent din noch fiere. Da ich in wol behalten han. In ainem holen staine. Dar in so muost di zuo im gan. Ir sont es han gemaine. Div ros er vie vnd fuert si dan. Da er da hat gelassen. Den herren lobesan. XX. Bi dem bart er in gevie. Hern hiltebranden vnde gie. Gen dem holen staine. Da her dietherich inne lak. Dis zoh sich vf den andern tak. Sin vroediv duͥ was klaine. Er hat uerlassen sich an got. Der edel fuͥrste riche. Dis war ie doch des risen spot. Das wissent sicherliche. O we sprach maister hiltebrant. Er kam in minen bart nie me. De kaines mannes hant. XXI. Die wil ich nu geleben mak. So wird ich niemer kainen tak. Vro von herzen mere. In gereche minen bart. Ich han ain vnsaelge vart. Da her getan so sere. Er braht in schiere fuͥr den berk. Da her dietherich lag gewangen. "Den buwton vil wilduͥ getwerk.
zum Hauptmenü