Joseph von Laßberg / K 2912,34: Der Zweifler... [1

Swen got sines riches tol gew̓n. zweier tugende er nicht mac untpern. Di heizen zu latine als ich iz las. Spes ⁊ longanimitas. Das ist hoffenūge vnde guͦt gebite. Daz man mit gedulde ane vnsite. hi gotte dienen kūne. nach der ewigen wune. Die nīm̓ noch nīmer mac v̓gan. Nieman sal sich des verdrezen lan. Waz kūmers her hi lide. Alse van almarie ein side. mvͦze wir ge- lutteret werden. solle wir vf düre erden. mit gottes helfe erwerben. Also sciere so wir sterben. daz wir in daz himmelriche komē. Durch daz en sal uch nach werlichem vrumē nicht zv serre erlangen. Daz immer vnu̓gangen mvz ewecliche wrsich gew̓n. daz ist ein riche lones gern. Vil sere ein iglich mensce sol. vnde vnu̓dwszeliche wol hir v̄me dienen. daz ist mün rat. Wene nīmer gottes lon v̓gat. Nv denke wol her an. ein sinnich wip vnde man. vnde lazen in vnmere sin. den sōmer. vnde der blumē sein. Golt. silber. vnde rich gewant. des man alles hi ein ende vant. so des dem menscen zv get. oder daz herz ster- bende verlet. Waz half den nibelungen ir hort. do si erslagen wrdē tort. in vremedem lande di stolzen wigande. Di romescē keisere mo- chte ouch nicht genesen swi riche si werē gewesen. Doch nam si alle der tot. vnde musten hin. dar got gebot. Nv sazēt guͦt vnde w̓liche ere. vnde strebent helde sere. nach eren di da ewec sint. Ez ist allez tovb vnde blint. vnde ein frovm damit di werlt vert. Wene me māne sin gvͦt ernert. Hoch hohe burt. Noch wune. di man hi gewi- nen kv̄ne. Ane di vroude dida ewic ist. Dr der suze milde krist. dē sinen hat bereitet. di vns zv den vrouden leitet. Da wir van sorgen sin genesen. vnde ewecliche svlen wesen. in der vroude so rechte gzͦ. di in menscen h̓ze nie gevloz. vnde menslich ouge nie gesah. Noch nie