Page


131a

  • Sin leben wrd ʒertrant ·
  • Do ſprach dʼ rittʼ vnuʼʒait ·
  • Helt Dc ſol dir ſin geſait ·
  • Hiltebʼant bin ich gehaiſſen ·
  • Vnd bin võ garten oͤch geborn ·
  • Du la dirs niht weſen ʒorn ·
  • Ʒe manhait wil ich raiſen ·
  • Den vil lieben hʼren min ·
  • Der iſt geborn von bʼne ·
  • Hʼ dietherich iſt dʼ name ſin
  • Jch dien im harte gʼne ·
  • So ich iemʼ aller beſte kan ·
  • Sin ſwʼt ʒuht der drate ·
  • Vñ luf den riſen an ·
  • Die ſtang der ris ʒe handẽ nan ·
  • Ʒe hant do luf eʼ in oͮch an ·
  • Do ſluͦg vf in dar alte ·
  • Ain alſo krefteclichen ſlak ·
  • Dc er da vor im nidʼ lak ·
  • Dʼ riſe im oͮch erſchalte ·
  • Dc hoͮbt er kam vf ſinû knie ·
  • Der ſtolʒe degen maͤre ·
  • Er wolt waͤnnẽ dc im waͤr hiͤ ·
  • Der lip benomen were ·
  • Von des ſtarkẽ riſen ſlak ·
  • Schoſ im Dc ſwʼt võ handen ·
  • Dc es fer vor im lak ·
  • Der riſe ſprank da er vant ·
  • Dc ſwert vñ ʒuht mͭ ſinʼ hant .
  • der erde ſchiere ·
  • Er ſpʼach du altʼ gʼiser man ·
  • Du muͦſt ʒuͦdinem hʼrẽ dan ·
  • vñ waͤrent din ioch fiere ·
  • Da ich in wol behalten han ·
  • Jn ainem holen ſtaine ·
  • Dar in ſo muͤſt du ʒuͦ im gan ·
  • Jr ſont es han gemaine ·
  • Div roſ er vie vñ fuͤrt ſi dan ·
  • Da er da hat gelaſſen ·
  • Den hʼren lobeſan ·
  • Bi dem bart er in gevie ·
  • Hern hiltebʼandẽ vnde gie ·
  • Gen dem holen ſtaine ·
  • Da hʼ dietherich inne lak ·
  • Dis ʒoh ſich vf dẽ andʼn tak ·
  • Sin vroͤdiv duͥ wc klaine ·
  • Er hat uʼlaſſen ſich an got .
  • Dʼ edel fûrſte riche ·
  • Dis wc ie doch deſ riſen ſpot ·
  • Dc wiſſent ſiccherliche ·
  • O we ſprach maiſtʼ hiltebrant.
  • Es kam in minen bart nie me ·
  • De kaines mannes hant
  • Die wil ich nu gelebẽ mak ·
  • So wird ich niemʼ kainẽ tak ·
  • Vro võ hʼ ʒen mere ·
  • Jn gereche minen bart ·
  • Jch han ain vnſaͤlge vart ·
  • Da her getan ſo ſere ·
  • Er braht in ſchiere fûr dẽ berk ·
  • Da hʼ dietherich lag gewangẽ ·
  • Dẽ buwton vil wildû getwerk ·
  • Des muͦſ in da belangen .
  • Den bart den brach erm vſ dʼ hãt ·
  • Do ſach er ſines hʼ ·
  • Swʼt hangẽ an dʼ want ·
  • Alſ er dc guͦte swʼt erſach ·
  • Liebʼ im do nie geſchach ·
  • Sinſ moͤht eʼ niht gewinnen .


131b

  • Dc truͦk der riſe unmaſſẽ lank ·
  • Harte froͤlich er do ſprank ·
  • Mit liſteclichen ſinnen ·
  • E ſin der riſe wurd gewar ·
  • Do wc er von der wende ·
  • Sinſ hʼren ſwert võ ſtahel clar ·
  • Daſ ʒuht er mit der hende ·
  • Der riſe im balde nach geſrait ·
  • Doch wc er im endrunnen ·
  • Dc waſ im ſit her lait ·
  • Do ſpʼach ſich maiſtʼ hilthebrant·
  • Nu wer dich gʼoſſer valant ·
  • Won es muͦſ ſin din ende ·
  • Sit du die ſtange haſt uʼlorn ·
  • Des fûrht ich klaine dinẽn ʒorn ·
  • Mit ſinʼ lingen hende ·
  • Dẽ ſchilt er do fúr die bruſt nan ·
  • Da rin ſluͦg alſo ſere ·
  • Dʼ riſe dc im dc ſwert võ dan ·
  • Niht wolte volgẽ mere ·
  • Er ʒuht dc im dʼ ſchilt rieme brach ·
  • Nu mugt ir gʼne hoͤren ·
  • wc wundʼs da beſchach ·
  • Dʼ wigant maiſtʼ hiltebʼant ·
  • Der ſluͦg im ab die lingẽ hant ·
  • Dc ſi lag vf der molten ·
  • Vnd do der riſe dc beuant ·
  • Vf den ſchilt trat eʼ ʒehant ·
  • Dc ſwert eʼ gewinnen wolte ·
  • Der alt im do hin nahʼ trat ·
  • Vñ ſluͦg im aine wnden ·
  • Jn ain bain dc er ʒe ſtat ·
  • Wart vf den knúwen funden ·
  • Dãnnoch wert ſich d dʼ kuͤne man ·
  • So ſer dc er da wande .
  • Den lip uʼlorn han ·
  • Hʼ hiltebrant dʼ kuͤne man .
  • Dc ſwert ʒe baiden hẽdẽ nã·
  • Er ſluͦg im von dem hoͮbte ·
  • Vnʒ vf den feſſel hin ʒetal ·
  • Da wart ain vngefuͤgʼ ſchal ·
  • Suſ er in lebens roͮbte ·
  • Der riſe ſtuͦnt vf dẽ kuͤwẽ ſin ·
  • Dc hobt moht niht erlangen ·
  • Hʼ hilthebʼat ſinẽ mit ſwʼte fin ·
  • Doͮch wc ſin not ʒergangen ·
  • Wan es wc da des riſen tot ·
  • Suſ wc half er ſinem hʼren ·
  • Von bʼn bern vſ gʼoſſer not ·
  • Alſ er den ſik an im gewan ·
  • Vil balde huͦb er ſich do dan ·
  • Gen ainem holen turne ·
  • Da her dietherich inne lak ·
  • Vñ vngefuͤgʼ ſorgen phlak ·
  • Von mengem ſtarkẽ wrme ·
  • Der ſmak tet do lait vñ ſer ·
  • Jn dem holen ſtaine ·
  • Dem vil edeln fúrſten her ·
  • Er wc ſo gar vnraine ·
  • Dc er kam in ſo gʼoſſe not ·
  • Dc er des waͤnẽ wolte ·
  • Er muͦſſe ligen tot ·
  • Do ſprach ſich maiſtʼ hilthebʼat
  • Biſt du võ bʼn ain wigant ·
  • Jch frage dich gʼn der maͤre ·
  • Wõ wanã du waͤrſt hʼ bekomẽ ·
  • Dc het ich gʼne uernomen ·
  • Nu ſag mir helt gewaͤre ·
  • War haſt du dine ſinne getan ·


131c

  • Dc du riteſt ainge von bʼne ·
  • Nu haſt doch mengẽ frumẽ man ·
  • Der mit dir ritte gerne ·
  • Du haſt burklehen enpfangẽ hie ·
  • Dir iſt geſchehen alſ mengem ·
  • Der guͦt ler v´bʼ gie ·
  • Du wilt mir laidʼ volgen niht .
  • Des ſchaid ich mich wie mir geſchiht .
  • Von dir vñ lan dich aine .
  • Do ſprach dʼ hʼre dietherich ·
  • Von bʼn ain fûrſte lobelich ·
  • Vſſer dem holen ſtaine ·
  • Mir iſt ain wenig miſſegan ·
  • Dc ſolt du niht enʒûrnen ·
  • Den lip ich noch geſunden han ·
  • Vor diſen ſtarken wurmen ·
  • Maiſtʼ la din ʒurnen ſin ·
  • Hilf mir ʒe lieht ich uolge ·
  • Dir an dc ende min ·
  • Do ſprach maiſtʼ hiltebrant ·
  • Ain vſerweltʼ wigant ·
  • Dc taͤt ich harte gerne ·
  • Nu wais ich laidʼ wa ald wie ·
  • Jch vinde kaine laitʼ hie ·
  • Do ſprach dʼ helt võ bʼne ·
  • Vñ wilt du haben minẽ rat ·
  • Su kum ich hinnan drate ·
  • Dc mir hie niemʼ miſſegat.
  • Nu volge minem rate ·
  • Ʒerſnide gar din guͦt gewant .
  • Vñ ſtrik es an ander ·
  • Vnd gib mirs an die hant ·
  • Des antẃrt maiſtʼ hiltebrant ·
  • Ain vſ erweltʼ wigant ·
  • Vnd ſprach er taͤt es gʼne ·
  • Suſ ʒerſnait er ſin gewant ·
  • An an andʼ erſ do bant .
  • Durch den helt võ bʼne ·
  • Das ſail lies er den ſtain hin in ·
  • Dc vie der bʼner ſchoͤne ·
  • Er ſpʼach ʒûh vf maiſtʼ min ·
  • Dc ich dirſ iemʼ lone ·
  • Dc ſal enʒwai brach alſ ich las ·
  • Her dietherich viel ſo ſere ·
  • Dc er vil kum genas ·
  • Alſ hʼ hilthebrant dc geſach ·
  • Laidʼ im do nie geſchach ·
  • Er begunde wainon ſere ·
  • Vñ ſprach oͮwe dc ich ie wart geborn ·
  • Han ich minen hʼren ſus uʼlorn ·
  • Dc ich in niemermere .
  • Geſich dast minʼ vroͤden ſlak ·
  • Suſ rief er claͤgeliche ·
  • Er ſluͦk ʒe den bruſtẽ al den tak ·
  • Sich ſelber kreftecliche ·
  • Die klag erhort er in dem ſtain .
  • Er ſprach halt dich wol maiſtʼ ·
  • Vnd var hin widʼ hain ·
  • Wan kaͤm ich us in dine phliht ·
  • Jch moͤhte doch geneſen niht ·
  • Vor dem groſſem walle ·
  • Nu tuͦ dich balde võ dem weg ·
  • Vñ kunſt du in des riſen phleg .
  • Do ruͦft er ʒehant mit ſchalle.
  • Jſt dc war dc du durch mich
  • Biſt komen her ʒe ſtrite ·
  • So gib ich dir min trûwe eʼ mûrdet dich·
  • Des ich dich niht enbitte ·
  • War hain la dir bevolhen ſin ·