Seite


132a

  • Min wip vñ oͮch diethʼẽ dẽ brodʼ mĩ ·
  • Hʼ hiltebrant gie ĩ den berk ·
  • Da vant eʼ ſlaffend ainẽ gewʼk ·
  • Eʼ eʼgraif in bi dem barte ·
  • Es wc gehaiſſen eggerich ·
  • Dc getwerk gar lobelich ·
  • Dc erſrak alſo harte ·
  • Hʼre wie hant irs gedaht ·
  • Jr hant geroͤffet mͥch g*ar ſere ·
  • Wʼ hat mich ʒuͦ im braht ·
  • Vʼhelnt michſ nit mere ·
  • Dc ir mich ſo geroͮffet hat ·
  • Do ſprach dʼ kúne ·
  • Din leben an mir ſtat ·
  • Wilt abʼ du behaltẽ dĩ lebẽ ·
  • So muͦſtu mͥʼ die lere gebẽ ·
  • Wie ich nu dẽ bʼnaͤre ·
  • Dʼ hie bi gewangen lit ·
  • Do ſpʼach egger an dirre ʒit
  • Jch gib dir guͦte lere ·
  • Nu ſag mͥʼ wie iſt eʼ genant
  • Dc wiſ ich harte gʼne ·
  • Do ſpʼach ſich maiſtʼ hilthebʼant
  • Eſ iſt dʼ vogt võ bʼne ·
  • Owe ſo ſprach dʼ klain getwͤrk ·
  • Wen kam mĩ hʼ võ bʼne ·
  • Her in dẽ holen berk·
  • Ald wen wart eʼ gewãgẽ hie·
  • Dc mich dc niemã wiſſẽ lie·
  • Dc nimt mich michel wndʼ ·
  • Nu ſag an maͤre wigant·
  • Hat eʼ ſin ſtaͤhelin gewant·
  • Jſt eʼ noch wol geſundʼ ·
  • So mag ſin wʼdẽ vil guͦt rat ·
  • Do ſprach abʼ der alte ·
  • Ain riſ ĩ hie gewangẽ hat·
  • Mit michelm geraͤtegewalte ·
  • Er warf ĩ in den holen ſtain ·
  • Da nie ſit gottes gebûrte ·
  • Kain lieht mer ĩ geſchain ·
  • Jch wil dir oͮch mĩ not klagẽ ·
  • Er hat mich nach ʒe tot eʼſlagẽ ·
  • Doͮch han ich im uʼgolten ·
  • Swes er im ie hat gegert·
  • Des han ich in gewert
  • Jch bin ſin vnbeſcholten·
  • Jch waͤn ich hab in gar ʒʼklobẽ ·
  • Vil reht da ʒem hʼʒen ·
  • Jch vil ſin v´nſern hʼrẽ loben·
  • Es muͦſ in iemʼ ſmerʒen ·
  • Jch han ſin leben im benomẽ ·
  • Rat hʼʒog egrich ſchiere ·
  • Wie wir võ hinnan koment·
  • Do ſpʼach di wenige getweʼk·
  • Da Gank ſãmir fûr dẽ berk ·
  • Gank ſãmir fûʼbc ĩ den berk ·
  • Da lit ain laitʼ ſwaͤre ·
  • Dú des hʼren gʼinen wc ·
  • Fvʼr war ſo ſolt ir wiſſen dc .
  • Jch tuͦn dich ſorgen laͤre.
  • Div gat nidʼ in dẽ holẽ berk·
  • Vñ iſt võ ledʼ veſte ·
  • Si worchtont liſtiguͥ getwʼc ·
  • Darūbe man ſi geſte·
  • Es nam den alten bi dʼ hant .


132b

  • Vnd fuͦrt in gar gerihte·
  • Da er die laitʼ vant·
  • Alſ er die laitʼ ane ſach·
  • Liebʼ im do nie geſchach·
  • Er huͦb ſi vf allaine·
  • Er moht niht me getʼatzgẽ han·
  • Er gie hin ʒuͦ dem ſtaine·
  • Da hʼ dietherich inne lak·
  • Mit ſorgen gar gewangen·
  • Suſ hulfenʒ im vſ an dẽ tak·
  • Vñ lien die laitʼ hangen·
  • Ʒe helf dem hʼrẽ al hin in·
  • Er ſpʼach vil liebʼ hʼre ·
  • Nim hin die laitʼ min ·
  • Her dietherich wart ir ſchier gewar·
  • Vil balde huͦb er ſich do dar·
  • Suſ trat er an die ſtige·
  • Alſ er ʒem turn hʼ uſ do gie ·
  • Alſo kûndet man v^nſ hie·
  • Dc ich v^ niht enliege·
  • Er wc ain naht dar inne geleg̃ ·
  • Es duht in driſig iare ·
  • Alſ er do kam vſ an die ſtegẽ ·
  • Des vrowt er ſich ʒeware·
  • Do ſprach dʼ hʼʒog eggerich·
  • Sint willekomẽ uſ ſorgen·
  • Von bʼn her dietherich·
  • Des genat im ſa ʒehant·
  • Hʼ dietherich der wigant·
  • Er ſpʼach ʒuͦ dem getwerge·
  • Võ wannã biſtu hʼ bekomen ·
  • Dc het ich gʼn uernomen·
  • Wonſt du hie in diſem bʼge ·
  • Dʼ alte ſprach nu wolge mir.
  • Enphah den helt vil ſchoͤne·
  • Er hat des libes geholfẽ mir.
  • Dar umbe im dienſtes lone ·
  • Er haiſet hʼʒog eggerich·
  • Er hat búrg ſtot vñ lúte·
  • Vñ iſt ain fúrſte riche·
  • Des genat im ſa ʒehant·
  • hʼ dietherich der wigant·
  • Er ſprach ʒuͦ dem getwerge·
  • Got lon dir hʼʒog eggerich·
  • Jch han võ dinẽ ſchuldẽ mich·
  • Erloͤſt vſ diſem berge·
  • Darumbe vil ich dienen dir·
  • Das wiſſiſt sicchʼliche ·
  • Swen du gebûteſt mir
  • Du biſt ſo tugende riche·
  • Des vroͮte ſich dc klain getwʼk ·
  • Vnd huͦb ſich harte balde·
  • Hin den holen bʼk ·
  • Dʼ bʼner ſprach do maiſtʼ min ·
  • Alſ lieb alſ ich dir mug geſin·
  • Wie haſt den lip behalten
  • Jch ſag dir reht wie mͥʼ geſchach ·
  • Ain bon er uſ dem herde brach·
  • Mit ſlegen maͤnig valten ·
  • Reht ſam ain wildʼ dunr ſlak·
  • Sluͦk er mir fúr die oren·
  • Jch waͤnd es waͤr mĩ iungſtʼ tak·
  • Suſ wart ich ʒainẽ toren·
  • Dû batwat mir vil gar ʒʼbras ·
  • Jch wand es waͤr min ende·


132c

  • Suſ fiel er vf dc gras ·
  • Bi minem bart er mich gevie·
  • Bald er do võ dannan gie ·
  • Gen ainom holen ſtaine·
  • Alſo ſprach maiſtʼ hiltebrant·
  • Jn minem barte lag nſin hant·
  • Do wart min vroͤde klaine·
  • Won ich da alles des uergas·
  • Dc mir ie wart ʒeliebe·
  • Den bart er mir do uſ gelas·
  • Sa reht alſ ainem diebe·
  • Er het mich ſanftʼ wol getʼagen ·
  • Hie lant die red beliben·
  • Jch han in drum erſlagen·
  • Hie mit ſchiedent ſi võ dan ·
  • Her dietherich vñ dʼ wiſe man ·
  • Hin gen der ſtat ʒe bʼne ·
  • Da wrdent enpfangen ·
  • Mit vroͤden alſ man hʼren ſol·
  • Enphahen vñ ſehen gʼne
  • Suſ klegton ſû ir vngemach·
  • Den rittʼn vñ den vroͤwen ·
  • Dc in ĩ dem walde geſchach·
  • Vñ wie ſi muͦſtẽ ſchoͮwen·
  • Groſſe not võ dc ſû ſchiet ·
  • Her hilthebʼant vſ ſorgen·
  • Suſ hebt ſich eggen liet·