Handschriften / Wasserburger Codex... [134

Seite

130^a

W oltent ir hʼren nu gedagẽ·
Jch wolt ´v vroͤmdú mae-
re ſagen ·// Von groſſẽ
vngeferte // Das hʼ diͤt
rich nie mait // Von bʼn
vil mengen ſtʼit er ſtrait
Vnd das in got ernerte ·
Do kund es niemer ſin ergan ·
Er rait dik aine von bʼne ·
Durch mengen ungefuͤgen tan ·
Dc mugt ir hoͤren gʼne ·
Liep vnd lait im da geſchach·
Er fluͦk vil mẽgen degẽ tot·
Dar nach er eggen ſtach·

Ain ſchilt dẽ fuͦrt eʼ vor dʼ hant ·
Do vant er ainen wigant·
Slafent in dem walte·
Der wc der aͤller kuͦnte man ·
Der dc leben ie gewan·
Do erbaiſt der degen balde ·
Alſ er in ferroſt ſach ʒehant ·
Sin huͦt im ſere glaſte ·
Sinen voln er ſere bant ·
Ze aines bomes aſte ·
Alſ er in undʼ oͮgen ſach ·
Er wacht in hart vnſanfte ·
Des ivns dc mare iach ·

Alſ in der riſe ane ſach ·
dc wort er ʒorneclichen ſprach ·
Du biſt der bernaͤre
Du fuͤrſt den arn võ loͤwẽ keln ·
Dc iſt mir harte ſwaͤre ·
Din vʼbʼ muͦt iſt groſ an mir ·
Des han ich ſer engolten ·
Rich ich minen neuẽ an dir·
Des bin ich vnbeſcholten ·
Jch ſag dir iungʼ degẽ eben ·
Vñ gib dirs mine trûwe ·
Es koſtot dich din leben ·

Hʼ diethrich ſpʼach ʒuͦ dẽ kuͤnẽ mã .
Helt du ſolt mich riten lan ·
Des haſt eht iemer ere ·
Fund ich dich ſlaffend aͤlle tag.
Das wort ich dir benamẽ ſag·
Jch gewakt dich niemʼ mere·
Dc mĩ du vigẽt wolteſt ſin ·
Das wiſ ich niht ʒe waͤre·
Nu ſpʼicheſt du haſt gehuͤtet mĩ·
Vil dik in diſem walde iare ·
Strites ſolt du mich erlan ·
Do ſprach der riſe kuͤne ·
Zwar dc mag niht eʼgan·

Die ſtang eʼ do ʒe handẽ nan
Vñ ſluͦg den wndʼ kuͤnẽ man
Den edeln vogt võ bʼneberne ·
Ain alſo cʼefteclichẽ ſlak ·
Dc er da vor im nidʼ lak·
Daſ mugt ir hoͤren gʼne ·
Wie dem helde da gelank ·
Dem kuͤnen bʼnaͤre
Eſ geſchach im ſundʼ ſinẽ dank.
Vñ wc im harte ſwaͤre .
Er hat dem tot ergebẽ ſich·
Won in der riſe kuͤne ·
Truͦg harte krefteclich ·

Do ſprach dʼ hʼre dietherich ·
Võ bʼn an fuͥrſte lobelich.
Muͦſ ich nu hie uʼderben ·
Do ſprach der riſeſigenot.

130^b

Du kaͤm nie ʒe alſo gʼoſſer not·
Du muͦſt võ mir erſterben ·
Dc du mir ie laͥt haſt getan ·
Dc mag dich vil wol rúwen ·
Du beſtaſt nih mer dekainẽ mã·
Dc hab vf nime trûwen ·
Sit du mir gʼnẽ haſt erſlagen ·
Dʼ wc min rehter oͤhan ·
Auch moͤht ich dirs uʼtragen ·

Do ſprach der hʼre dietherich ·
Vil vrumʼ helt nu ruͥwet mich ·
Dc ich dir tet ʒe laide ·
Eſ iſt anͤ mine ſchuld eʼgan ·
Den lip waͤnd ich uʼlorn han·
Alſ ich dich beſchaide ·
Sin wip hart vngefuͤge wc ·
Dc was ain michel wundʼ ·
Das ich vor der ie genas ·
Si lag ob vñ ich vndʼ ·
Vñ druhte mich vf ainenin bank·
Dc mir dc rote wallebluͦt .
Ʒe baiden oren vf trank·

Da laid ich angeſt vnde not·
Wan ich vorhte ſere dentot·
Do erloſt mich min maiſter·
Der iſt gehaiſſen hiltebrant·
Ain vſerwelter wigant·
Swc er ie gelobt dc laiſt er·
Dem wolg ich ſo ich beſte kan ·
Alſo ſpʼach dʼ bernaͤre ·
Eſ muͦs an mminen gnadẽ ſtan·
Vil ſtolʒʼ degen maͤre.
Sol ich hie behalten den lip ·
Do ſprach der︱riſe kuͤne ·
Mich rúwet nef vnd wip

Vndʼ dc vͦhs er in genan ·
Balde truͦg er in võ dan ·
Ain groſſe tagewaide ·
Durch ainẽ wilden vinſter̄ tan ·
Seht da huͦb er ſich von dan ·
Vʼber aine ſchoͤne haide ·
Dû es des hʼren gʼinen wc
Den kuͤnen bʼnaͤre .
Da ſtuͦnden bluͦmen vnde gras ·
Es wc im harte ſwaͤre ·
Dc er kain wil da ſoͤlte ſin ·
Der riſe vil vngefuͤge ·
Tet im vil groſſen pin ·

Er warf in ĩ ainẽ holẽ ſtain ·
Da kain geſiht oͮch in geſchain ·
Do ſprach der bernaͤre .
Solt ich kain wil dar inne ligẽ ·
Dʼ tot dʼ muͤſt mir an geſigen ·
Dc iſt mir harte ſwaͤre ·
Ja hʼre got durch dinen tot ·
Nu hilf du mir võ hinnan ·
So dc ich kom võ dirre not ·
Vñ mug mĩ orſ gewinnen ·
Wis es min maiſtʼ hiltebrant .
Er hulf mir von noͤten.
Mit ſinʼ ellenthaftʼ hant ·

Hern dietherich ſere da uʼdros ·
Võ dan huͦb ſich dʼ riſe gros ·
Den rehtẽ wek gen bʼne ·
Vñ oͮwe ſo ſpʼach dʼ wigant .
Widʼ ritte mʼ maiſtʼ hiltebrant ·
Den ſah ich harte gerne ·
Er hat mir laides vil getan ·
Er vnd der bernaͤre ·

130^c

Eſ muͦs im an dc leben gan ·
Jch gereche mine ſwaͤre ·
Erſt ſchuldig an dem neuen min ·
Wrd eʼ mir in dem walde ·
Eſ muͦſt ſin ende ſin ·

Wc er dc wort do wolle ſprach ·
Durch den walt er do geſach .
Võ maiſtʼ hiltebranden ·
Der rait ain harte ſchoͤne mark ·
Baide michel vnde ſtark .
Er fuͦrt in ſinẽ handen ·
Ain gern lãgẽ vñ dar ʒuͦ guͦt ·
Mit ſtahel wol bewnden ·
Selb hat er aines loͮwen muͦt .
Wan da ʒen ſelben ſtunden .
Sin ſchilt wc lank vñ dar ʒuͦ bʼat ‧
Ain ſwert wuͦrt er andʼ ſiten ·
Dc mengen helt uʼſnait .

Alſ maiſtʼ hiltebrant geſach
Sins hʼren ors gebunden ſach ·
An ainem bom allaine ·
Vñ oͮwe ſprach dʼ kuͤne man ·
Dc ich dc leben ie gewan ·
Er begunde ſere wainen ·
Jch waͤn min hʼ der ſig tot ·
Der edel bernaͤre ·
Des muͦs ich liden gʼoſſe not .
Jch geriche mine ſwaͤre ·
Alſo ſprach maiſtʼ hiltebrant.
Han ich uʼlorn den herren ·
So rum ich oͮch div lant ·

Enmittent lief der riſe ʒuͦ ·
Dc was der andʼ morgen fruͦ ·
Mit ainʼ ſtahel ſtange ·
Div wc ſich harte wol geworcht .
Si truͦk der riſe unerforht .
Wol drier klafter lengi ·
Si wc von fieren eggen gros ·
Vñ ſinwel da ʒer hende ·
Von des valendes genos ·
Nam menik man ſin ende ·
Kains wafens eʼ do mere phlag ·
Wan aines huͦtes von húten ·
Dʼ dacht in vf den nag ·

Er wc mit liſten wol geworht ·
Den truͦk der riſe vnerforht ·
Das ſont ir mir geloͮben ·
Do erbaiſte maiſtʼ hiltebrant·
Ain vſerwelter wigant ·
Er wolt ienſ lebonſ roͮben ·
Sinen voln er ſere bant ·
Ʒe aines bomes aſte ·
Dc ſwert ergraf er mit dʼ hant ·
Vnd huͦb es harte faſte ·
Er ſprach helt du ſolt mir ſagẽ ·
Durch dine tugend ob du mir ·
Den hʼren haſt erſlagen ·

Do ſprach der riſe ſigenot·
Her dietherich muͦs belibẽ tot ·
Jn dem holen ſtaine ·
Er hat mir laides vil getan ·
Dc muͦſ im an Dc leben gan ·
Alſ ich im erſchaine ·
Dc ich ſin hie gehuͤtet han ·
Dc han ich wol bewendet .
Wan vʼnſer hʼre hat den man ·
Ʒe handẽ mir geſendet ·
Vñ waͤriſt du maiſtʼ hiltebrant.
Dʼ ſchuͦf mir mine ſware ·