Seite
Diſen gand nach kūmen an der zwo der ſelben halbe Pe­ripherie Dyameter hat gra­Wyß Canops. dus zwoͤlff ſemis/ vn̄ by inen wirt geſehen eyn ander Ca­nopus wiß/ Dennen volgen denn nach Sechs ander vß byndig hüpſch vnd ſchoͤn ſternen über alle ander ſternē der achten ſpere die da haben in des firmaments vß be griff ein halbē periferie Dyametrum Zweyer vn̄ driſſig gradē/ Mit denē überflügt eyn Canopus ſchwartz vnd wunderbarer groß die ſicht man in via lactea im milch­weg/ Und ſoliche figur haben ſy ſo ſy ſind in der mittegigen lynien/ Uil ander vnd me fürbundiger ſternen ſchoͤner vnd hü­pſch hab ich erkennt vnd ir motus lauff vnd hewegnung mit flyß gemerckt vnd ſchon zierlich in eins miner büch­lin beſchriben in diſer myner ſchiffart/ Nu yetz diſer zytt hat ſolichs d̓ durchlichtigeſt künig hoffē mir ſollē wid̓ ge ben werdē/ In diſē hemiſperio hab ich geſehe etlich ding die d̓ natürlichē meiſtere vn̄ philoſophie ſachē nit mithel­lē/ Ein wißer regēbogē by mitternacht zit iſt zwey malē geſehē. Nit vō mir alleī ſund̓ ouch vō allē ſchufflē/ Des glichen ſo haben wir zuͦ merer malen den Nüwe monē geſehen des tags ſo er ſich erſt der Sonnē verfugt hat/