Seite
It glucklicher fart Am vier zehenden tag des monats Mayen/ Tu­ſent fünffhūdert eyn Iars/ ſchieden wir von Oliſpppo nach gebott des obgenan­ten künigs mit dryen ſchiffen zuͦ erſuͦchē nuwe land gegen Auſter/ vnd tzweintzig Monet on vnderlaß fuͦren wir gegen mittag der ſelben ſchiffung. vnd fart ordnung vnd wiſe iſt alſo/ Diſe ſchif fung iſt geweſen durch die fortunaten Inſalen/ vor ziten alſo genant/ Aber zuͦ dyſen werden ſy genant die inſulen magne canarie/ der groſſen Canarie/ die da ſindt im drit ten Clima der ſibenfaltigē vßteilung der welt vnd am an ſtoß vnd gegē der wonhafftigē landen der ſonnē nyder­gangs/ Dannen durch das groß mer Occeanū dē gātzē ſtaden affricum vn̄ eyn teil der Moͤren lands durchren̄t biß zuͦ den hochbergen der Moren ſo alſo von Ptolomeo genēpt wirt/ Das zuͦ dißen zeitē von den vnſern dz grün̄ houpt genempt wirt/ vn̄ von den Morē beſeglitte/ vnd die ſelbe lantſchafft Mandinglia vierzehē gradus innert der krummen ſchnuͦr genāt Torrida zona/ von der lyniē equinoctiali gegen Mitternacht die von ſchwartzen lü­ten vnd voͤlckern bewōt wirt/ da ſelbs nach raſtung vn̄ widerlabung vnſer krafft vnnd nottürfftiger dingen zuͦ vnſer ſchiffung/ huͦben wir die encker vff vn̄ zertan̄tē die ſegel in winde vnd in vnſern weg durch das allerwildeſt groß mere Occeanum/ vnd fuͦrē gegen dem wider sibēge ſtirn gen Ancarticies/ ein wenig gegē der Sonnē nyder gang wandten wir durch den wynd genant vulturnus vnd von dem tag als wir abſchieden von dē gemelten ho chgebürg zwen Monet vn̄ drig tag ſchyfften wir ee das vnß land oder ertrich ze ſehen ward/ Was wir aber in ſo licher willde des Mers/ gelitten haben/ vnd was ſorgkli­A ii