Seite
vnd er keret wider vnd wandlet in dē hauß zuͦ einē m ale hin vnd her. vnd gieng auf vnd legt ſich über dz kind vn̄ das kind ruͦrt ſeine mund zuͦ ſiben malē vnd thet auff ſein augen. vnd er ruͦfft giezi vnd ſprach zuͦ im. Ruͦff der hauß frawen. vnd da ſÿ berüfft wz do gieng ſÿ zuͦ ÿm. do ſprach er. nÿm hin deinē ſun.. vnd ſÿ ka vnd viel zuͦ ſeinē füſſen vnd anbetet auff der erdē. vnd ſÿ nam iren ſun vnd gieng auß. aber heliſeus keret wid̓ in galgala. Euāgelium In illo tēpore/ Ibat ih̓s in ciuitatem que vocatur naym et ibant cum eo diſcipuli eius ⁊cͣ. Luce. vij. In d̓ zeit/ do gieng ih̓s in ein ſtat die do heyſt naÿm. vn̄ giengē mit ÿm ſein junger. vn̄ ein groſſe ſchar. do er aber naͤhnet der pfortē d̓ ſtat. nemt war do ward im ein toter entgegen getragen ein einniger ſun ſeiner muͦter vnd diſe wz ein wittib. vnd d̓ ſchar d̓ ſtat gieng viel mit ir. vn̄ do ſÿ ih̓s ſach do wart er mit barmhertzigkeit bewegt über ſÿ vnd ſprach zuͦ ir du ſolt nit waine. vnd gieng dar vnd be ruͦret dÿe bare. aber diſe dÿe ſÿ truͦgen die ſtundē. vnnd er ſprach. jungling ich ſag dir ſtee auf. vnd er ſaß auff d̓ tod wz vn̄ huͦb an zuͦ redē. vn̄ d̓ herr gab in wid̓ ſeiner muͦter vnd dÿe forcht begreiff ſÿ alleſamt. vnd großmachtē got vnd ſprachē. es iſt auffgeſtāde ein groſſer prophet in vns vnd der herr hat heim geſuͦcht ſein voͤlck. Freitag lectio In diebus illis/ Egrotauit filiꝰ mulieris matriffamilias et erat languor fortiſſituus ⁊cͣ. iij. Regum. xxij. In dē tagē Siechet einer frauē ſun einer haußmuͦter dez geſindes vn̄ wz dz allerſchwaͤreſt ſieche. alſo dz kein ad̓n bleib in ÿm. darumb ſprach ſÿ zuͦ helias. wz iſt mir vn̄ dir du mā gots biſtu herjn gange dz wid̓gedacht wurdē mein boßheit vnd daſtu meinē ſun ertoͤteſt. vnd do ſprach zuͦ ir helias gib mir deinē ſun vnd nā yn von irer ſchoß vn̄ truͦg ÿn in daz ſummerhauß do er wonet. vnd legt ÿn auff ſeyn bedt vnd ſchrey zuͦ dem herre vnd ſprach. Herr mein gott ich wolt daſtu nit diſe wittyb peinigſt beÿ der ich allweg wurd enthalten daſtu iren ſun ertoͤteſt. vd er ſtreckt ſich auß vnd maß ſich über das kindt czuͦ dre­nalen. vnnd