Transkription / Biblia, dt. [456

Dzee Die weyſſagung nit in allen diſen dingen Vnd effrann iſt wordē als ein verfuͤrte taube die da nicht hat das hertz Sy ruͤfften an egiptum. vn̄ giengen hin zuͦ den aſſiriern Vn̄ ſo ſÿ außgeen. ich breit mein netz über ſÿ. vnd ich zeühe ſÿ ab als einen vogel des hymmels. Ich ſchlahe ſÿ nach dē gehoͤr jrer geſelſchafft Wee jn. wann ſÿ haben ſich geſcheyden von mir. Sy werden verwuͤſt. wann ſÿ haben übergangē wider mich. Ich hab ſÿe erloͤſet. vnd ſÿ redten die lüge wider mich. Vnnd ſÿ ſchryen nit zuͦ mir in jrem hertzē. aber ſÿ heültē in jrē ſchlaffkamern. ſÿ jndrucktē über den weytzen. vnd über den weyn vnnd ſchieden ſich von mir. Vnd ich leret ſÿ. vnnd krefftiget jr ar me. vnnd ſÿe gedachten die boßheyt wider mich. Sy kerten wider. das ſÿe waͤren on joch. Sye ſeind worden als eyn trieglicher boge. Ir fürſten fallen in dē waffen von dem grymungen zoren jr er zungen. Diſe jr verſpottunge iſt in dem landt egipti. Capitel Das viii Wie der prophete ſaget von der rechtuertigkeyt gottes wider ju dam vnnd jſrahel. As horen ſey in deiner kelen als der adler auf dē hauß des herren dar aa umb dz ſÿ habenübergā gen mein gelübd. vnd habē übergangen mein ee. ſÿe ruͤffen mich an mein gott. wir haben dich erkandt iſrahel. Iſrahel hatt verworffen das guͦt. der ved wirt jn durchaͤchten. Sy haben regieret aber nicht auß mir. ſÿ waren fürſten vnd ich erkandt es nicht Ir ſilber vnd jr gold machten ſÿ jn abtgoͤtter das ſÿe verdurben. Dein kalb ſamaria iſt verworffen. Mein grym̄ iſt erzurnet wider ſÿ Biß wenn mügen ſÿ nicht werden gereyniget wanner ſelb iſt von iſrahel. Der werckman hat es gemacht vnnd iſt nit got Wān dz kalb ſamarie wirt in dē weppen der ſpinnē. wān ſÿ ſaͤen den wind. vnd ſchneidē die wind ſpreül. Der ſteendt halme iſt nit in jm. die eher macht nichtt das mel Vnd ob ſÿ machet die frem den eſſen es. Iſrahel iſt verwuͤſtet. Nun iſt es worden vnder dē geburten als ein vnreynes vaſs wann ſÿ ſtygen auff zuͦ aſſur. E frann iſt jm ein eyniger wilder eſel. Sy gaben die gab jren liebhabern. Sy dingten auch die geburt mit lone. Nun ſamel ich ſÿ vnnd ſÿ ruͦen ein wenig von der burd des künigs vnd der fürſtē Wann effran hat gemamgualtiget die altar zeſündē. ſÿ ſind jm worden altar zuͦ der miſſetat. ich ſchreyb jm manigfaltiklich mein ee. ſind geachtet als die frembdē Sy werdē opfern die gotz opffer vnd opfern die fleyſch vnd eſſen auch ſÿ. vnnd gott empfahet ſÿ nit. Nun wirdt gedacht jrer boßheyt vnnd er hatt heymgeſuͦchet jr ſünde. Sy werden auch bekert in egiptum. Vnnd jſrahel hat ver geſſen ſeines ſchoͤpffers vnd hatt