Seite
Des Propheten ccxxx gebauen die tempel. vn̄ juda ma­nigfaltiget die bewarten ſtet. vn̄ ich ſend ein das feüer in ſein ſtet vnd es verwuͤſtet jre heuſer. Das ix Capitel Von der ſchnoͤdikeyt des jüdiſch en volckes. vnnd von künfftiger jrer zerſtoͤrung. Srahel nit woͤlſt dich freüen. nit woͤlleſt fro locken als die voͤlcker. wann du haſt gemein­ſamet vō den got. Du haſt lieb gehabt den lon über all tennē des waytzes. Der tenne vn̄ die preſ­ſe weyden ſÿ nit. vnnd der weyn leügt jn Sy werden wonen in dē landt des herren. Effrann iſt wi der gekeret in egiptum vnd yſſet das vermeyliget vnder den aſſy­riern. Sy werden nit opfern den wein dem herren. vnnd gefallen jm nit jre opfer. Als daz brot der klagenden. Alle die es eſſen dye werden vermeyliget. wan̄ jr bro te yſſet jr ſele. Er wirt nit einge­en in das hauß des herren. was thuͤt jr an dem tag der hochzeytt des herren. Wann ſehet ſÿe find außgegangen von der verwuͤſtū ge. Egiptus wirdt ſÿ ſammeln. memphis wirt ſÿe begraben. Ir begirliches ſilber erbet die neſſel. Die klet wirt in jren tabernack­eln. Die tag d̓ heymſuͦchung ka­men. die tag der widergeltunge. wiſſent das iſrahel iſt ein thoͤre­ter prophet. Ein vnbeſinter geiſt licher man. Vmb die menig dey­ner boßheit. vnd vmb die menig der torheyt. effraim iſt ein ſpeher ein weyſſag mitt meim gott. Er iſt worde ein ſtrick des vals über all ſein weg. Die vnſÿnne iſt in dē hauß ſeines gotz Sy habē tieff geſündet als in den tagen gabaa. Er wirt gedencken jrer miſſetat. vnd heymſuͦchet jr ſünde. Ich ha be funden jſrahel als dye weyn­trauben in der wuͤſte. als die erſt en oͤpfel des feygenbaums. ich ſa he jr vaͤter in ſeiner hoͤhe Wenn ſÿ giengen ein zuͦ beelphegor. vn̄ find gefremdet in die ſchand. vn̄ ÿ ſind wo dē verben̄lich. als die ding. die ſÿ liebhetten. Effraym flog ab als ein vogel. Ir glori iſt on der geburt. von dem leyb vn̄ in der empfahung. vnnd ob ſÿ auch erzugen jr ſun. ich mach ſÿ on ſün vnder den leüten. Wee au ch jn. ſo ich mich ſcheyde von jn. als ſahe effraymm. tyrus was ge­gruntueſtet in der ſchoͤn. Vnd ef­fraym wirt außfuͤren ſein ſün zuͦ der erſchlahunge. o herre gib jn. was gibſtu jn. Gib jn die muͦter on ſun. vnd dorrent brüſte. All jr ſchalckheyt iſt in galgal. vnd da hette ich ſÿ in haß. Ich würff ſÿ auß von meim hauß vmb dz übel jrer findung Ich zuͦleg nit. dz ich ſÿ liebhab. All jr fürſten ſchiedē ſich. Effraym iſt geſchlagen. jr wurtz iſt außgedorret. ſÿ bringe mitt nichten frucht. Vnnd ob ſÿ joch begerē ich erſchlahe die lieb ſten jres leybes. Mein gott ver­würfft ſÿ. wann ſÿ hoͤrten jn nit vnnd ſÿ werden ellendig vndter den geburten. Das x capitel