Seite
Die erſt Eanonica vnd wiſſet alle ding. Ich hab eü ch nitt geſchriben. als den. die da nit wiſſen die warheyt. aber als dē die ſÿ wiſſen. wān ein yegkli­che lüge iſt nit auß der warheyt Waͤr iſt ein lügner nur d̓ da lau gnet. dz jheſus iſt criſtus. der iſt der entkriſt. der da verlauget dē vater vnd dē ſun Ein yegklicher der da verlauget den ſun. der hat nit den vater. der da bekēnet den ſun. der hat auch dē vater. das jr habt gehoͤrt vō anfang. dz beleib in eüch. wann beleibt es in eüch dz jr habt gehoͤrt von anfang. ſo werdet jr beleyben in dem ſun vn̄ in dem vater. vnd diß iſt verheiſ ſung. die er vns hatt verheyſſen das ewig leben. Diſe ding ſchri­be ich eüch von den. die eüch ver fuͤren. Vnnd diſe ſalbunge die jr empfienget von jm. die beleib in eüch. Vnnd jr habt nit notturfft das eüch yemandt lere. aber als eüch ſein ſalbung lert von allen dingen. vnd es iſt war. vnnd iſt keyn lüge. Vnd als er eüch hatt geleret. alſo beleibet in jm. vnnd nun jr ſünlein beleibet in jm. ſo er erſcheynt das wir haben die czuͦ uerſicht vnd werden nit geſchen­det von jm in ſeiner zuͦkunfft. ob jr wißt dz got iſt gerecht. ſo wiſ­ſet das ein yegklicher. der da tuͦt die gerechtigkeytte. iſt geboren auß jm. Das iii v Ehet was liebe vnns O hab geben der vater dz wir werden genennet vnd ſind die ſun got tes. Darumb die welt erkante vns nit. wann ſÿ erhant jn nit Aller liebſten nun ſeind wir die ſün gottes. vnnd es iſt noch nitt erſchynen. was wir werden. wir wiſſen das ſo er erſcheynet. wir werden jm geleyche. wann wir werden jn ſehen als er iſt. Vnnd ein yegklicher der da hat die hof nung in jm. der geheylig ſich als auch er iſt heylige. Vnnd auch ein yegklicher. der da thuͦtt die ſünde. der thuͦt auch da die boß­heytte. vnnd auch die boßheytt iſt die ſünde. Vnnd wißt. das der erſchynen iſt. das er abneme die ſünde. Vnnd die ſünd iſt nit in jm Ein yegklicher. der da beleybt in jm. ſündet nit. Vn̄ ein yegklicher der da ſündet. d̓ ſihet jn nit. noch hat jn erkent. Ir ſünlein nÿemāt verfuͤre eüch. der da thuͦt das re cht der iſt gerecht. als auch er iſt gerecht. Der da thuͦt die ſünde. der iſt auß dem teüfel. wann der teüfel ſündet von anfang. In di­ſem erſchyn der ſun gots. das er aufloͤſet die wercke des teüfels. Ein yegklicher der da iſt geborn auß got. der thuͦt nicht die ſünde wan ſein ſamē beleibet in jm. vn̄ er mag nit ſündē. wān er iſt ge­born auß got. In diſem ſind offē bar die ſün gots. vn̄ die ſün des teüfels. Ein yegklicher. der nitt iſt gerecht. der iſt nit auß got. vn̄ der nicht liebhatt ſeinen bruͦder. wann das iſt die verkündunge die jr habet gehoͤret von anfang das jr liebhabet aneinander. Nit als Cayn der da was auß den boͤſen. vnd erſchluͦg ſeinē bruͦder