Seite
Dzee. Die Veiſſagung vnd ſie ſetzen in ſelb ein haubt. vnd werdē auf ſteigen von dē land wan̄ der tag iſrahel iſt groß. Das.IIII. capitel von d̓ gefengknuß d̓ zweyer geſchlecht. Eyn volclr ſp recht zuͦ ewern bruͦdern. vnd ſagt ewrer ſchweſter die do begriffen die barmhertzigkeyt Vrteylet ewer muter vrteilet. wan̄ ſie iſt nit mein weyb. vn̄ ich bin nit ir man. Sie nem ab ir gemein vn­keuſchunge von irem antlitz. vnd ir eebrechung vonn der mitt irer bruſt das ich ſie villeicht nicht nacket auß zyhe. vnd ſtelle ſie nach dem tag irer geburt. vnd ſetz ſie als die einoͤd. vn̄ ſtelle ſie als dye vnwegſamen erde. vnd ich toͤd ſie mit dez durſt. Vnnd ich erbarmb mich nit uͤber ir ſun. wann ſie ſeind ſün d̓ vnkeuſch. wan̄ ir muter hat gemein vnkeüſchet Dy ſie empfieng iſt geſchendet. wenn ſie ſprach. Ich will geen noch meynen liebhabern. dy mir geben mein brot vnd mein waſſer. mein woll. vnnd mein flachs. mein oͤl. vn̄ mein track Vmb ditz ſih. ich vmbzeun deynen weg mit dornen. vnd zeun in mit ey ner mauren on moͤrter. Vn̄ ſie wirt nit finden ſein ſteyg. vn̄ wirt noch uolgen iren liebhabern. vnnd be­greifft ſie nit. vnd ſie wirt ſie ſuchen vnd findet ſie nit. vnd wirt ſprechen Ich gee vnd ker wider zuͦ meim er­ſten mann. wann mir was da wol­mer wann nun Vnd die ding weſſt ſie nit. wann ich gab ir das getreyd den wein vnd das oͤl. vn̄ ich manig­faltiget ir das ſilber vn̄ das golde dy ſie machten baal Darumb ich kerwi der vnnd nim mein trayd in ſeyner zeyt. vn̄ meinen weyn in ſeiner zeyt vnnd ich erloͤß mein woͤll vnd meyn flachs. die da bedeckten ire ſchame. Vnnd nun will ich eroͤffen ir torheit in den augen der liebhaber Vnd der man wirt ſie nit erloͤſen von mey­ner hende. vnnd ich wil machen das auff hoͤr all ir frewde. ir hohtzeyt der monfeyer der ſabbath. vnd all fey­ren. vnd ir zeyt. Vnd ich brich iren weyngarten. vnnd iren feygenbaum von dē die ſprach Ditz ſeind die loͤne die mir gaben mein liebhaber. Vnd ich ſetz ſie in den̄ walt. das dz thyer des ackers eſße ſie Vnd ich heymſuch uͤber ſie den tag baalim. in dem ſye anzuͦndten den weyrauch. vn̄ ward gezieret mit irem orring. vnnd mit iren heftlein. vnnd gieng nach iren liebhabern. vnnd vergaß mein. ſpri­cht der herre Darumb ſyh ich wil ſie ſeugen. vnnd zuͦ fuͤr ſie in die einoͤde Vnd ich wird reden zuͦ irem hertzen vnd ich wil ir gebē die weyngertner auß der ſelben ſtat. vnd das talach or auffzetun die zuͦuerſicht Vnnd da wirt ſie ſingen. ſingen nach den ta­gen irer luͦgent. vnnd nach den tagē irer auf ſteygung von dez land egi­pti Vn̄ es wirt an dē tag ſpricht der herr mein mā ruͤfft mir vn̄ wirt mich furbas nit heyßē baalim. Vnnd ich wird abnemē baalim vō irez mund vn̄ er gedencket furbas nit ires na­mē Vn̄ ich ſchlah furbas mit im da geluͤbd an dē tag mit dē tyer des ack ers. vn̄ mit dē gefoͤgel des hymels. vn̄ mit dē krichendē tyrē der erdē Vn̄ ich zerkniſch vō d̓ erde dē bogē vn̄ dz waffen. vn̄ den ſtreyt. vn̄ ich mach ſie ſchlaffen zuͦuerſichtigklich. Vnd ich will dich mir vermeheln ewig­