Seite
Propheten CIIIIIIIIIIII Des lich. vnd ich gemehel dich mir in der gerechtigkeit. vnd in dem vrteyl vn̄ in der erbermbde. vnd in den barm­hertzigkeiten Vnnd ich gemehel dich mir in dem glauben. vnd du wirſt wiſſen das ich bin der herre. Vnnd es wirdt an dem tage ich erhoͤr. ſpri­chider herre. Ich erhoͤre dye hymel vnnd ſye erhoͤren dye erde. vnnd die erde erhoͤrt den waytzen vnd den wein. vn̄ das oͤl. vnd diſe werden er­hoͤren iſrahel/ Vnnd ich ſee ſie mir in ein erde. vnd ich erbarm mich. der die do was on erbermbde. Vnd ich wird ſagen nit meynem volck. du biſt mein volck. vnnd es wirt ſprechē du biſt mein got. Das IIIIII capitel Vō der vndanckberkeit der iuden. vnnd von irer verſtockung in den ſunde. d der herre ſprach zuͦ mir. Gee noch. vnd hab lieb das weyb. das da lieb iſt dem freund. vnnd die eebrecherin. als der herr lieb hat dye ſun iſrahel vnnd ſie ſchawen zuͦ den frembden goͤtrern. vnnd haben lieb die treſter der weinber. Vn̄ ich gruͦb ſie mir mit funfftzehen ſilberin. vnd mit eim chor der gerſten. vnd ich ſp­rach zuͦ ir Du wirſt mein harren vil tag Du wirſt nit vnkeuſchen/ vnnd du wirſt dē mann nit. aber auch ich will dein harren Wann die ſun iſra­hel werden ſitzen manig tag on ey­nen kuͦnig. vnd on einen furſtē. vnd on das opffer. vnnd on einen altar. vnd on das ephot. vnd on die figu­ren des tempels. Vnd nach diſen din gen die ſün iſrahel keren wider vnd ſuchen iren herren got. vnnd dauid iren kunige. vnnd ſie erſchrecken zuͦ irem herren. vnd zuͦ ſeim guͦt in dez iungſten tag. Das IIIIIIIII capit. wie got ſtraffet die ſund der ihenen. dye wider got. vnd die nehſten mißthun ſun iſrahel hoͤrt das wort des herren wann das vrteyl iſt dem herrē mit den inwonern der erd wan̄ die warheit iſt nit. vnd die erbermbd iſt nit. vnd die wiſſenheit gottes iſt nit in der erde. Der fluch vnd die lu­ge. vnd die manſchlacht vnnd dye diebſtal. vnnd die eebrechung haben uͤberhand genumen. vnd das blut hat das blut geruret. Vmb ditz kla get die erd. vnnd eyn iegklicher der da da wonet in ir. d̓ wirt kranck In dem tyer des ackers. vnd in dem ge­ſugel des hymels. Sunder auch die vyſch des meers werden geſamelt. Iedoch ein iegklicher ſol nit vrteylē vnnd der man werd nit geſtraffet. Wann dein volck iſt als die. die do widerſprechen dem prieſter Vnd du wirſt heut fallen. vnd dein weyſſag wirt auch fallen mit dir. Ich mach­et ſchweigen dein muter in der nacht mein volck ſchwieg darumb das es nit het die wiſſenheit. wann du haſt vertrieben die wiſſenheyt vnnd ich ver trib dich. das du mir nit braucheſt die prieſterſchafft vnnd du haſt vergeſ ſen der ee deines gots vnd ich vergiß dyner ſun nach irer menig alſo habē. ſie mir geſundet. vn̄ ich wird verwā deln ir glori in ein laſter ſie werden eſſen die ſund meins volckes. vnnd heben auff ir ſelen zuͦ irer boßheit vn̄ als dz volck wirt. alſo wirt d̓ pryſter