Transkription / 2 [420

Die Veiſſagung Dzee. Vnd ich heymſuch uͤber es ſein weg vnnd widergib im ſeyn gedancken vnd ſie eſſen vnnd werden nit geſat Vnd ſie vnkeuſchten vnd hoͤrten nit auff. wann ſie lieſſen den herren nit in der behuͤtung Die vnkeuſchunge vnd der wein vnd die trunckenheyt nemmen hin das hertz Mein volck fraget in ſeim holtz. vnnd ſeyn ſtab verkundet im. Wann der geyſt der vnkeuſchung betrog ſie. vnd ſie gemeinſampten von irem got Vnnd ſie opfferten auff die haubt der berg vnnd zünten an die weirauch uͤber die buͤhel vnder der eych vnd vnder dem therebint. vnd vnder dem alber wann ir ſchatt was guͦt. Darumb ewer toͤchter werden gemein vnkeu ſchen vnd ewer breut werden eebrecherin. ich wil nit heymſuchen über euwer toͤchter. ſo ſie vnkeuſchen vnnd uͤber ewer breut. ſo ſie brechen die ee wann ſie wandern mit den gemeyn nen weiben. vnnd opfferten mit den vnſtetten. Vnnd das volck das do nit vernimbt das wirt geſchlagen. O iſrahel ob du gemeinſameſt. iedoch iuda ſuͤnd nit. vnnd nit woͤlt eingeen in galgala. vnd ſteyget nit auff in bethauen. noch ſchweret der herre lebt. Wann iſrahel hat ſich geneiget als ein ſpilend kuͦ. Der herre weydet ſie. als ein lamb in der weitte Du teylhaftiger der abgoͤtter effraim laße in. Ir wirtſchaft iſt geſundert mit der gemeinſamung haben ſie geebrecht. vnd ſein beſchirmer het ten lieb zetragen dz laſter. Der geiſt band in in ſeinen fluͦgeln. vnnd ſye werden geſchendet vō irē opffern. Das.V. capitel. ſagt vō der ſtraff der ſunde der prieſter. Arumb ir prie ſter hoͤret. vn̄ ir hanß iſra hel mercket. vnnd ir heuſer des kuͤnigs erfaret. wann das vrteyl iſt euch. Wann ir ſeit worden ein ſtrick der ſphehung. vnd als eyn außgeſpantes netz vnder dē berg tho bar. vnd ir habt geneiget dye opffer in die tyeffe. vnd ich bin ir aller lerer vnd ich weyß effraim vnd iſrahel iſt nit verborgen vor mir. wann nun hat gemeinſamet effraim. vnnd iſrahel iſt vermaliget. Sie geben nit ir gedancken. das ſie widerkeren zuͦ irē herren got. wann der geyſt der vnkeuſchung iſt in irer mitte. vnnd ſye erkanten nit den herren Vnd derübermut antwurt iſrahel in ſeyn antlitz. vnd iſrahel vnnd effraim werden fallen in irer boßheyt Vnd iudaffelt mit in. Sie geen in iren herden. vnd in iren ſchweigen zeſuchen den herrē vnd finden ſein nit Er iſt abgenūmen von in Sie ſeind uͤbergangen im herren. wann ſie gebaren frembd ſuͦn. Nun vervuſt ſie dz moned mit irē vetern ſingent mit dem herhorn in gabaon mit dem horn inn rama ſchreyet in bethauen/ nach deinen ru cken beniamin Effraim wirt in der verwuͤſtung Ich hab gezeyget den glauben vnder den geſchlechtē iſra hel an dem tag der ſtraff. Die fuͤrſtē iuda ſeind worden als die da auffne men ein ende. Ich wird außgieſſen meinen zorn uͤber ſie als das waſſer Effraim iſt leydent die zwangkſale zerbrochen mit dem vrteyl. wann er begunde zegeen nach dem vnfladt. Vndich bin als ein ſchab effraim. vnnd als eyn ſewle dem hawß iuda