Seite
Die Veiſſagung Amos gerten vnd ewer weingerten vnnd ewer oͤlgerten. vn̄ die feyggertē hat geeſſen der krautwurm. vn̄ ir kertet nitt wider zuͦ mir ſprichet der herre. Ich ſante vnder euch dē tod an dez weg egypti. ich ſchluͦg ewer iungen mit dē waffen. vntz zu der gefengck nuß ewerer roſſe. vn̄ ich machet auff ſteigen die feulle ewrer herbergen. in ewer naßloͤcher. vn̄ ir kertet nit wi­der zuͦ mir ſpricht der herre Ich ver­keret euch als got verkeret zodomā vnd gomorram. vn̄ ir ſeyt worden als ein brandt gezucket von der an zündung. vn̄ ir kertet nit wider zuͦ mir ſpricht der herre. Darūb will ich dir diſe ding thuͦn iſrahel. Nach dez aber vn̄ ich dir diſe ding wird thuͦn. ſo bereyt dich zuͦ dē gegenlauff dey­nes gots iſrahel. Sih. wann der da machet die berg vn̄ beſchuͦf dē wind vnd verkuͤndet den menſchen ſeyn rede. der da machet den früen nebel vnd geet auff der hoͤhe der erde. der herr got der herre iſt ſein nam Das.V. Capitel. Von der gedechtnuß der peyn vnd ſtraff des volcks. Oret ditz wort das ich auff heb uͤber euch die klag Das hauß iſrahel iſt geuallen vn̄ wirt nit zuͦlegen dz es wider auffſtee Die iunckfraw Iſ rahel iſt verworffen in ir landt. er iſt nit der ſie erkuͦcke oder auffhebe. wan̄ diſe ding ſpricht der herre gott Die ſtat auß d̓ da außgiengen tau­ſent. darin̄ werde gelaſſen hundert. vn̄ von der do außgiengen hundert in der werden gelaſſen zehen in dem hauß iſrahel. wan̄ diſe ding ſaget d̓ herr dez hauß iſrahel Suchet mich. vn̄ ir werdet leben. vn̄ nit woͤlt ſuͦ­chen bethel Vnnd wolt nit eingeen in galgalam. vnnd nit geet in berſa bee. wen galgala wirt gefürt gefan gen vn̄ bethel wirt vnnütz Suͦchet den herren vnd lebet. das villeycht icht werd verbrant das hauß ioſeph als daffewr. vnd verwüſte dz hauß bethel vnnd er wirt nit. der es erſchla he. Die ir keret dz vrteyl in wermuͦt vnd laßet die gerechtigkeit in der er de. den machenden wagenſtern vn̄ den orion. vn̄ den kerenden die vin­ſternuß in die frü. Vn̄ den verwan­delten den tag in dy nacht. d̓ da vor dert die waſſer des meres. vnd geuſ ſeet ſie auß auff das angeſiht der erdē der herr iſt ſein nam der da verſpot­tet die verwuͤſtunge über den krefti gen vn̄ bringet die zerſtoͤrung uͤber den gewaltigen. Sie hetten in haß dē ſtraffenden vnder dem tor vnnd redendend haben ſie volkūmenlich verachtet. Darumb vmb das dz ir habt betrübet den armen. vn̄ namt von im den erwelten raub Ir wer­det bawen mitt quaderſteynen dye hewſer vnd nit wonen in in Irw­det pflantzen dye aller lieblichſten weingarten vn̄ werdet nit trincken iren weyn. wan̄ ich erkant das ewer miſſetat ſind vil vn̄ ewer ſtarck ſün de. Die veind nemē die gab des gere chten vn̄ verdrücken die armē vnd dem tor. Darumb wirt ſchweigen d̓ ſuͤrſichtig in der zeyt. wann die zeyt iſt boͤß. Suͦchet das guͦt vnnd nitt das übel. Das ir lebet. vnd der her­re got der heer wirdt mit euch als ir ſprecht Haſſet dz übel. vn̄ habt lieb dz guͦt vn̄ ſetzet dz vrteyl in dem tor