Seite
Die Veiſſagung Ione angeleget mitt ſackgewand vn̄ ſaß ſe in dē aſchen. vnd ſchry vn̄ ſprach in niniue auß dē mund des künigs vn̄ ſeiner fuͤrſten ſagend. Dye lewt vn̄ die vih. vnd die ochſſen vnd die kü. ſoͤllen nichtz verſuͦchē. noch wer den geweydent. vn̄ ſoͤllent nit trin cken das waſſer. vn̄ die leut vnd die vih ſoͤllen bedecket werden mit ſack gewande. vn̄ ſoͤllen ſchreyen zuͦ got in der ſterck. vnnd der man ſoll beke ret werden von ſeim boͤſen weg. vn̄ von der boßheit die do iſt in ire hen den Wer weyßt ob got wirt bekern vn̄ vergebe. vnd kere wider von dez grymmen ſeines zorns. vn̄ wir ver derben nit. Vnd got ſah ire werck. das ſie waren bekeret von irē boͤſen weg vnd got erbarmet ſich über dz übel das erhet geredt. das er in tet vnd tet ſein nicht Das.IIIIIIIIIIII. Capitel. Wie Ionas vō got gequelet ward Hnd Ionas ward gepeyniget mitt groſſer zwangkſal vnnd ward erzuͦrnet vnd bettet zuͦ dē her­ren. vn̄ ſprach. O herr iſt diß nit dein wort vmb das ich was bekuͦmmert noch do ich was in meinē land vnd floh in tharſis. Wan̄ ich weyß das du biſt got. milt vnnd barmhertzig vn̄ gedultig vnnd vil barmhertzig vn̄ ein vergeber über das übel. Vn̄ nu o herr ich bitt nim hin von mir mein ſel. wann beſſer iſt mir der tod den dz lebē. Vn̄ d̓ herr ſprach. Wen ſtu das du wol zuͦrneſt Vnd ionas gieng auß vō der ſtat. vn̄ ſaſſe gegē aufgang der ſunnen der ſtat. vnnd er machet im ſelber eyn hütlein vn̄ ſaß. darunder in dem ſchatten. byß dz er ſehe was der ſtat geſchehe. Vn̄ der herr fürbereit ein ekraut. vnd es ſtyg über das haubt Ione. das es wer eyn ſchattē über ſein haubt vn̄ in bedecket. Wann er het gearbeyt vnd ionas ward erfrewet über das ekraut mit groſſer frewde. Vn̄ gott bereytet einem wurm frü. das er fruͤ auffgieng an dem morgen. vnd er ſchluͦg das ekraut vnd es dorret. vn̄ als dye ſunn was auffgangen. der herre gebott einem warmē wind vn̄ eim brinnenden. vnnd die ſun̄ ſchluͦg auff das haubt ione vnnd er erhitzi­get. Vnd er hyeſch ſeiner ſeel das ſie ſturbe. Vnnd ſprach. Beſſer iſt mir ſterben. denn leben. Vnnd der herr ſprach zuͦ Ionam. Wenſtu das du wol zürneſt uͤber das ekraut. Vnd er ſprach. wol zuͦrn ich vntz an den tod. Vnnd der herr ſprach. Du biſt leydig über dz ekraut in dē du nicht haſt gearbeyt noch haſt es gemacht das es wüchs das vnder einer nacht iſt auffgangen. vnnd vnder eyner verdorben. vnnd ich wird nit verge ben Niniue der groſſen ſtatt. in der mer ſeind denn hundert zweyntzig tauſent menſchen. die do nit wiſſen wz do ſey vnderſcheyd zwiſchen irer gerechten vnd lincken. vn̄ vil vihs. Ein ende hatt der prophet Ionas Vnnd hebet an der prophet Micheas. Das erſt capitel. Wie Micheas der prophet prophe­tieret wider iſrahel vnd iudam mit bedroung des herren