Transkription / 2 [443

Die Veiſſagūg Michee ca.VI As wort des herre das do iſt gethan zuͦ Micheam dez moraſtiten. in dē tagen Ioathan. achas ezechie d̓ künig Iuda. das er ſah über ſamariā vnd iheruſalem. alle voͤlcker hoͤret vnd die erd verneme. vnnd ir erfülllung. vnnd der herr got ſey euch zuͦ eim gezeugen. der herr vō ſeinē heyligē tempel. wan̄ ſeht. der herr wirt außgeen vō ſeiner heiligen ſtat vn̄ wirt niderſteygen vn̄ wirt tretten auff die hoͤhen der erde. vn̄ dye berg werden verzeret vnder im. vnd dye talle werden geteylt als das wachs vō dē antlitz des fewers als die waſ ſer die da ablauffen in der gehe Diß iſt alles in der miſſetat iacob vn̄ in den ſuͤndē des hauß iſrahel. welches iſt dye ſuͤnd iacob. Iſt es nit ſamaria Vnnd welches ſind die hoͤhen iuda. Iſt es nit iheruſalem Vnnd ich wird ſetzen ſamariam als einē hauſ fen der ſteyn in dem acker. wenn ge pflātzet wirt der weyngart. ich wird niderzyehen ir ſtein in das tal. Vn̄ ir gruntueſten wird ich offenbaren vn̄ all ir gegraben bild werden zerhawen. Vnd all ir loͤn werden ver brant mit fewr. vnd all ir abgoͤtter wird ich ſetzen in verluſte. wenn ſie ſind geſamelt vō den loͤnen des gemeinē weybes vn̄ vntz zuͦ dem lon des gemeynē weybs werden ſie widerkeren. über das wird ich weynen vnd hewlen ich wird geen beraubet vnnd nackend Ich wird machen ein weinen als der tracken vnd hewlen als der ſtrauß. wann verzwifelt iſt ir plag. wen̄ ſie iſt kumen vntz zuͦ iu dam. ſie hat gerüret die porten mey nes volcks vntz zuͦ iheruſalem. Ir ſoͤllet nitt verkünden in geth. nitt weynet mit den zehern. In dē hauß des ſtaubs mit dē ſtaub beſprenget euch vnd geet. dye ſchoͤn wonunge iſt euch beſchemet mitt ſchande. dye iſt nicht außgegangen. die do wont in dem außgag Das hauß der nach bewrin wirt nemē auß euch dy klag das do ſtuͦnd im ſelbs. wenn ſie iſt gekrencket in das guͦt die do wonet in bitttrikeiten. Wenn das boͤß iſt nidergeſtygen von dē herren in die porten iheruſalem. das vngeſtuͤm geſchrei des wagēs der erſchrecknuß dē einwonenden zuͦ lachis. Ein ane fang der ſuͤnden iſt der tochter ſyon wenn in dir ſind gefunden die übeltete iſrahel. Darumb wirt er geben außlaffend botten über das erb geth das hauß der lüge in die betrügūg dē künigen iſrahel. noch einen erben wird ich dir zuͦfürē dye du woneſt in marſea vntz zuͦ odollam wirt kumē die glori iſrahel. Mache dich kalle vnd beſchir dich uͤber die ſu̓n deiner wolluſte. außb reyt dein kalheit als der adler. wann die gefangen ſeind gefüret auß dir Das IIII. Capitel Wie der prophet dz volck vmb dye ſuͤnd der geytigkeit ſtraffet. Ee die ir gedē cket das vnnütze. vnnd wircket dz boͤß in ewren ſchlaff kamern In dem liecht der ta gung thuͦn ſie das. wen̄ ir hand iſt wider got Vnnd haben begeret die ecker vnnd haben ſie geweltigklich D iiij