Seite
Des propheten C N XI Das IIIII. Capitel. Wie vnd was got abacuc antwur tet. Vnnd wie das reych. der babilo nier zerſtoͤret wurd vmb ſechßerley ſünd willen. die in hierinn berüret werden. Vnnd von dem gebet Aba­cuc Ch wird ſteen auff meiner hute. vn̄ ich wird hefften mein ſtapf­feln auff die warnung. vn̄ ich wird ſchawen das ich ſehe was mir werde geſaget. vn̄ was ich wird antwurtē zuͦ dem ſtraffenden mich. Vnd der herre antwurt mir. Vnnd ſprach. Schreib das geſiht. vnd leg es auff die taffeln. das er es uͤberlauff der es wirt leſen. Wan̄ dz geſihte iſt noch verr. vnd wirt erſcheynen in das en­de. vn̄ wirt nicht liegen. Iſt das er verziehen thuͦt. So harre ſein. wen̄ kommend wirt er kummen vn̄ wirt nicht verziehen Sih. der do iſt vnge lewbig. ſein ſel wirt nicht gerecht in im ſelbs. aber der gerecht lebet in ſei nem gelauben. vnd wie der wein be treuget den trinckenden. alſo wirdt der hohfertig man vnd wirt nit ge­zieret. Wan̄ er hatt geweytert ſeyn ſel als die helle. vn̄ er iſt als der tot vnd wirt nit erfüllet Vn̄ wirt ſam eln zuͦ im alle geſchlecht vnnd wirt hauffen zuͦ im alle voͤlcker. Werdē denn nit nemen alle diſe ein beyſpel über in. vn̄ die red ſeiner verborgnē auff biettūg. vn̄ werdē ſprechē. Wee dez der do manigualtiget. nicht die do ſein ſind. Vntzwielang beſchwe­ret er auch wid̓ ſich dz dick kot. Wer den ſye den̄ nicht auffſteen gehling die dich beyſſen. vn̄ werdē erwecket die dich zerreiſſen. Vnd du wirſt in zuͦ einē raub. ven̄ du haſt beraubet vil voͤlcker. alle andern. die do ſind vō den voͤlckern werdē dich beraubē vmb des bluͦts willen des menſchē. vn̄ vmb die boßheit der erdē der ſtat vn̄ aller der die do wonē in ir Wee dē. der do zuͦſamen ſamelt die boͤſen geytigkeit. ſeinē hauß. dz do ſey ſein neſt in der hoͤhe. vn̄ ſie wenen. dz ſie werdē erloͤßt vō der hand des uͤbels du haſt gedacht die ſchād deim hauß du haſt erſchlagen vil voͤlcker. vnd dein ſeel hat geſündet. Wen̄ d̓ ſtein wirt ſchreyen vō der wand. vnd das holtz. dz do iſt vnder dē zuͦſamen fü gungen der gebew. wirt antwurten Wee dē. der do bawet die ſtat in den ſuͤnden. vn̄ bereitet die ſtat in d̓ boß heit. Sind nicht diſe ding vō dē her ren d̓ heer. Wen̄ die voͤlcker werden arbeiten in vil fewr. vn̄ die voͤlcker vmbſunſt. vn̄ werdē gebreſtē Wan̄ die erd wirt erfüllt das ſie erkennen die glori des herren. als dye waſſer. die do bedecken das meer. Wee dem der do das tranck gibt ſeinē freund. laſſend ſein gallen. vnnd machend truncken. das er ſchaw ſein entploͤſ­ſung. Er iſt erfüllt mit ſchandē fuͤr die glori. vn̄ du trinck. vn̄ entſchlaf Dich wirdt vmbgeben der kelch der gerechten des herren. vn̄ die vndew­ung der ſchanden uͤber deyn glori. Wenn die boßheit des libans wirt dich bedecken. vnnd dye verwuͤſtung der tyer wirdt ſye erſchrecken. von den ſünden des menſchen vnd von der boßheyt der erden. vnnd der ſtatt vnnd aller wonenden in ir. Was iſt nuͤtz das gegraben bild. wen̄ ſein tychter hatt es gegraben das gegoſ ſen. vnnd das valſche bild. Wenn