Transkription / 2 [455

Des Propheten C XIIIII bringen ſpeyß. Von dem ſchafftall wirt abgeſchnitten das vih. vnd die herd der rinder wirt nit in dē krippē Aber ich wird mich frewen in dē herren vnd wird frolocken in got mey nem Iheſu. Got der herre iſt meyn ſtercke. vnnd er wirt ſetzen mein fuͦß als der hirſſe. Vnnd auff mein hoͤhe wirt mich fuͦren der uͤberwinder ſingend in den pſalmen Amen. Eyn ende hat Aba cuc der weyſſag. Vnnd hebet an der prophet Sophonias. Das erſt. Capitel. Wie der propheet dye ſunder ruͦget vn̄ ſtraffet in gemein. Vnd darnach die iuden in ſunderheyt. Vnd von der groͤſſe der tribulation der ihenen die er ſtraffet. Az wort des herre das do iſt gethan zuͦ Sophoniam dem ſun chus. des ſuns godolie. des ſuns amaſie. des ſuns ezechie. in den tagen ioſie des ſuns amon des kunigs iuda. Zuſamen ſamelend wird ich zuͦſamen ſameln alle ding von dem antlitz der erde ſpricht der herre. Zuͦ ſamen ſam lend den menſchen vnd das vih. Zuͦ ſamen ſamlend die gefuͤgel des hymels. vnd die viſch des meres. Vnd die vell der vngütigen werden. vn̄ ich wird zerſtrewen die menſchen vō dem antlitz der erde ſpricht der herre Vnd ich wil außſtrecken mein hād uͤber iudam. vnnd uͤber alle woner in iheruſalem. vnnd ich wird zerſtrewen von diſe ſtatt die beleybungen baal. vnd die namen der huͦter des hauß mit den prieſtern. vnd die. dye do anbetten auff den techern die ritterſchafft des hymels. vnd anbetten vnd ſchweren in den herren. vnnd ſchweren in melchon. vnd die da werdē abgekeret hinderruͤck vom herren. vnnd die da nit haben geſuchet den herren. noch habē in eruorſchet. Sch weyget von dem antlitz des herren gotts. wann nahend iſt der tag des herren. Wann der herr hat bereit ein opffer. vnd hat geheiliget ſein beruf ten Vn̄ es wirt in dem tag des opfers des herren. ich wird heymſuͦchē uͤber die furſten. vnd uͤber die ſun d̓ kunig. vnd über all die da ſeind angethan mit eim pilgram kleyd Vn̄ ich wird heymſuchen uͤber einen ieglichen der do hohmutiglich eingeet uͤber das ſchwel in dem tag die da erfullen das hauß des herren mit boßheyt vnnd mit betruͦgung. Vnnd es wirt an dem tag. ſpricht der herre. dy ſtymm des geſchreys von der portē der viſch. vnnd das hewlen von der andern. vnd groſſe zerkniſchung vō den buͤheln. Hewlet ir inwoner pile Alles volck chanaam hat geſchwygen. alle die do ſeind eingewickelt mit dem ſilber ſeind verſchwunden. Vnnd es wirdt inn der zeyt. Ich wird erfaren iheruſalem inn lucernen vnd ich wird heimſuchen über die man̄ die da hafftē in iren hefen dy da ſagen inn irem hertzen. der herre wirt nit woltun. vnd wirt nit uͤbel thun Vnnd ir ſterck wirt in die zerruͦttung. vnd ire hewſer in verwuſtung. Vn̄ ſie werden bawen hewſer E j