Seite
zacharie. Die Veiſſagung d ich ward vmbkeret. vnd hub auff mein augen vnd ſah. vn̄ ſeht ein gebundē buͦch flyegend. Vn̄ er ſprach zuͦ mir. Was ſihſtu. Vnd ich ſprach Ich ſih ein gebundē buch flyegen. ſein leng tzwentzig ellenbogē vn̄ ſein breit zehen ellenboge. Vnd er ſprach zuͦ mir Diß iſt die verfluchūg die do wirt außgeen auff das antlitz aller erden. wen ein iehklicher dyeb. als do geſchrieben iſt wirt geurteilet vnnd ein iegklicher ſchwerender wirt auß dem zuͦgeleicherweiß geurteylet Ich wird das außfuͤrē ſpricht d̓ herr d̓ heer. vn̄ wird kumē zuͦ dē hauß des dyebs vnd zuͦ dē hauß des ſchweren­den in meinē namē lugenhaftigkli­chē vn̄ wird mitwonē in dem mittel ſeines hauß. vnd wird es verzerē vn̄ ſeine hoͤltzer vnd ſein ſteyn. Vn̄ der engel der do redet in mir. gieng auß vn̄ ſaget zuͦ mir. Heb auf deine augē vn̄ ſih. Was iſt dz. das do außgeet. Vn̄ ich ſprach Was iſt es den. Vnd er ſprach Diß iſt ein außgeēder kruͦg Vn̄ er ſprach Diß iſt ir aug in aller erd Vnd ſeht ein pfund bleyß ward bracht Vnd ſeht ein weyb ſitze in dez mittel des krugs Vnd ſprach. Diß iſt die boßheyt. vn̄ warff ſie in die mit te des kruͦgs. vnnd er ließ ein ſtuͦck bleyß in ire mūd Vnd ich hub auff mein augen vnd ſah. vnd ſeht zwey weyber außgeend. vnd d̓ geiſt in ire flugeln Vnd hettē fluͤgel als die arē vnd hubē auf dē kruͦg zwiſchē hymel vnd erd Vnd ich ſprach zuͦ dē engel der do redet in mir. wo hin tragē die dē kruͦg Vn̄ er ſaget zuͦ mir Das im werd gebawen ein hauß in der erde ſennaar. vnnd werd beſtettiget vnnd werd do geſetzet auf irem bodem. Das.VII. Capitel. Wie der prophet beſchreibet die nach uolgung viererley reych. Vnnd wye die iuden vō der widerpawung des tempels troſt empfiengen. Nnd ich leret mich vmb vnd hub auff mein augen vnd ſah. vn̄ ſeht. vier vierredrig wegen außgeēd von dē mittel zweyer berg vnnd die berg waren eryn berg. In dem er­ſten vierredrigē wagē rote pferd vnd in dez andre vierredigē wagē ſchwar tze pferd. vnd in dem drittē vierredri gen wagē weyſſe pferd. in dez vierde vierredrigen wagen pferd maniger. ley varb vnd ſtarck Vnnd ich ant­wurt vnd ſprach zuͦ dē engel d̓ do re det in mir. Meyn herr Wz ſeind dy­ſe Vnd d̓ engel antwurt vnd ſprach zuͦ mir. Diſe ſeind vier wind des hy­mels. die do außgeen das ſie ſteē vor dez herſcher aller erd. In dem do wa ren dye ſchwartzen pferd die gyengē auß in die erd der mitternacht. vnd die weyſſen giengen auß nach in. die manigerley varbe die giengen auß zuͦ der erd des mittags. Die aber wa ren die aller ſterckſten die ſeind auß gegangen. vnnd haben geſuchet zuͦ geen vnd zuͦ lauffen durch alle erd. Vnd er ſprach Geet vnd durchwann dret die erde. Vnd ſie durchwarder ten die erde Vnnd er ruͦfft mir vnnd redet zuͦ mir ſprechend. Sih. die do außgeen in die erd mitternacht ha­ben rwen gemacht meynen geyſt in der erde mitternacht. Vnnd das wort des herren iſt gethan zuͦ mir ſprechend. Nymm vonn der über­