Transkription / 2 [466

Die Veiſſagung zacharie. ſchehen als ich hab geredet. vnd ſye haben nit gehoͤrt alſo werden ſie ſch reyen. vnd ich wird ſie nit erhoͤren. ſpricht der herr der heer. Vnnd hab ſie zerſtrewet durch alle reich die ſye nit wiſſen. vnnd die erd iſt verwuſt von in. darūb das do nit iſt geweſt der geend. vnd der wider kerend. vn̄ ſie haben geſatzt die begirlichen erde in ein wuͤſte. O Das.IIIIIII. Capitel. Wie durch den propheten die widerpawung iheruſalem gelobet ward. Vnnd von der zuͦkunfft chriſti. d das wort des herren der heer iſt gethan zuͦ mir ſagend Diſe ding ſpricht der herr der ſcharē Ich hab geliebet ſyon mit groſſer liebvnd mit groſſer vngenedigkeyt bin ich gein ir geneigt Diſe ding ſpricht der herr der heer Ich bin widergekeret zuͦ ſyon. vnd ich wird wonen in dem mittel iheruſa lem. Vnd iheruſalem wirt genant ein ſtat der warheyt vnnd ein berg des herren der heer ein geheyligter berg Diſe ding ſpricht der herr der heer Noch werdē wo nen die alten man̄ vnd die altē frawen in den gaſſen iheruſalem. vnd der ſtab des mannes in ſeiner hand vor der menig der tag. vnd die gaſſen der ſtatt werden gefult mit den vnſchuldigen kindlen. vnd mit den ſpilenden toͤchterlein in irer gaſſen Diſe ding ſpricht der herr der ſcharen Ob es wirt ſchwer geſehen in dē augen des uͤberbeleibē volcks in diſen tagen. wirt es den̄ nit ſchwer in meinen augen ſpricht der herr der ſcharē Diſe ding ſpricht der herr der ſcharē Sih ich wird machen behaltē meyn volck. von der erd des aufgangs vn̄ vō der erd des vn̄ dergangs der ſunnen vnd ich wird ſie zuͦfuͦren. vnnd ſie werden wonen in dem mittel iheruſalem. vnnd ſie werden mir in eyn volck. vnnd ich wird in in einen gott in der warheyt. vnd in der gerechtig keit Diſe ding ſpricht der herr der ſch aren Werden geſterckt ewer hende. die ir hoͤret inn diſen tagen diſe red durch den mund der weiſſagen. in dē tag ſo gegruntueſt iſt das hawß des herren der ſcharen. dz der tēpel ward gebawen. Vnnd vor diſen tagen wz nichs der lon der menſchen noch wz der lon der arbeittendē vih̓. noch dē eingeenden. vnd außgeenden was fryd vor betruͤbnuͦß. vnnd ich hab ge laſſen alle menſchen ein yegklichen wider ſeinē nehſten Aber nun nicht nach den vorderſtē tagen wurd ich thun diſem uͤberbelibē volck. ſpricht der herr der ſcharē. ſunder es wirdt d̓ ſamē des frydes Der weingart wirt geben ſein frucht. vnd die erd wirdt geben ir frucht Vnnd die hymel werden geben ir taw. vn̄ ich wird mach en das diſes uͤberbeliben volck wirt beſitzen all diſe ding. Vnd es wirdt als ir waret die verfluchung in den voͤlckern des hawß iuda. vnnd des hawß iſrahel. alſo wird ich euch behalten vnd ir werdet d̓ ſegen Nicht woͤlt euch furchten. Ewer hend wer den geſtercket. wan̄ diſe ding ſpricht der herr der heer Als ich hab gedacht das ich euch peyniget. ſo mich habē gereytzet ewer vetter zuͦ zorē ſpricht d̓ herre. Vn̄ ich hab mich nit erbarmet alſo bekerend hab ich gedacht in diſen tagē. dz ich wol thu iheruſalē vn̄ dē hauß iuda Nit woͤlt euch forchtē