Seite
Das erſt Buch dem angeſiht anthiochi. vnd er huͦb an zuͦ reigiern in der erd egipti. das er reigiret uͤber zwey reych. Vnnd er gieng ein in egiptu in ſchwerer me­nig. in den wegen. vnd elephantem vnd in dē reyttenden. vnd in groſ­ſer menig der ſchiffe. Vnnd beſtellet einen ſtreyt wider ptolomeum den künig egipti vnd ptolomeus forcht ſich vnd floh vor ſeinem antlitz. vn̄ es vielen vil verwundet. Vnnd ge wann die bewarten ſteet in dē land egipti. vnd nam die reub der erden egipti. Darnach als anthiochus het geſchlagen egiptum. do keret er wid̓ in dez hundertſtenunddreyund vier tzigſten iar. vnd ſtyg auff zuͦ iſrahel vnd gieng auff in iheruſalem in ſch­werer menig. vn̄ in hohfart gieng er ein in die heiligkeyt. vnnd nam den guͤllden altar. vnd den leuchter des liechts. vnd alle ſeine vas. vnd den tiſch der brot der fuͤrlegung. vn̄ die vaß der fewchten opffer. vnnd die ſch­allen. vnd die gulden morſer. vnnd den furhāgk. vnnd die kronen. vn̄ die guͤllden zierung. die do was in dē an geſicht des tempels. vnnd zerſchluͦg ſie alle. Er nam das ſilber vnd das gold. vnd die begirlichen vaß. vnd nam die verborgen ſchetz die er fand diſe alle furt er hindan. vnd gieng in ſein erden. Vnd machet ein groß ſchlagung der menſchen. vnd redet in groſſer hohfart Vnd es ward ein groß klag in iſrahel. vnd in einer ig klichen ſtatt ires landes. Vnnd dye fuͤrſten erſeufftzten. vnnd die eltern. dy iungen vnd die iungkfrawen wur­den kranck. vnnd die ſchoͤn geſtalt d̓ weyber ward verwandelt. Ein iegk lich man̄ nam die klag vnnd die do ſaſſen an dem eelichen bett. die wein ten. vnd die erde ward beweget uͤber die da wonten in ir. vnd alles hauß iacob leget an die ſchandē vnd nach zweyen iaren der tag. do ſendet der künig einen fuͤrſten der zinß inn dye ſtett iuda. vnd der kam in iheruſallē mit groſſer ſchar. Vnnd er redet zuͦ im frydſame wort in valſcheyt. vn̄ ſie glaubten im. Vnnd alſo bald viel er auff die ſtat vnnd ſchluͦge ſie mit groſſer plage. vnnd verlor vil volck auß iſrahel. Vnnd nam die rewb der ſtat. vnnd anzuͦndet die mit fewer. Vnd zerſtoͤret ire hewſer vn̄ ir mau­ren in dem vmbkreyß. vnd ſie fuͤrtē gefangen die frawen. vnd die kinder vnd beſaſſen das vih. Vnd ſie bau­ten die ſtatt dauid mit einer groſſen ſtarcken mauren. vnnd mit ſtarcken tuͤrnen. vnnd die ward in zuͦ eyner veſtigkeyt oder zuͦ einem turen. Vn̄ do hin ſetzten ſie das ſundtliche vn̄ heydniſch volck die vngerechtē man vnd ſie wurden alle zeſtarck inn ir. Vnnd legten darein harniſch vnnd ſpeyß. vnd ſammelten die rewb ihe­ruſalem. vnd legten die do ſelbſt vn̄ wurdē in zuͦ eine groſſen ſtrick Vnd das geſchah zuͦ einem veyndtlichen geleger der heyligen ſtatt. vnnd in ey nem boͤſen tewfel in iſrahel. vnd ſie verguſſen dz vnſchuldig bluͦt durch den vmbkeyß der heyligen ſtat. vnd vermeyligten die heyligkeyt. vnnd die inwoner iheruſalem fluhen von iren willen. vnnd ſie ward zuͦ eyner wonung der außlendiſchen. vnd ſie ward frembd irem ſamen. vnnd ire kinder verlieſſen ſie. Ir heyligkeyt ward verwüſt als die wuͤſte. ir hoh­tzeytliche tag wurden verwandelt