Transkription / 2 [479

machabeorum CC XIIIIIIIIIIII in ein klag. vnd ir ſabbath in ein ſch ande. ir eren zuͦ nichten Ir ſchande ward gemeret nach irer glori. vnnd ir hoͤhe ward gewandelt in ein klag Vnd d̓ künig anthiochus ſchrib ad lem ſeynem kuͤnigreych das alles volck were eynes geſetzes. Vnnd eyn yegklicher ließ ſein ee. vnnd alle heiden gabē iren willen dar zuͦ. nach dem wort des kuͤnigs anthiocht Vn̄ vil auß iſrahel nachhengten im. vn̄ opfferten den abtgoͤttern. vnd vermeiligten den ſabbath Vnd der kuͦnig anthiochus ſendet brieff in iheruſalem. durch die hende der botten. vnd in alle ſtett iude. das ſie ſolten nachuolgen den geſetzen der heyden der erden. vnd das ſi ſolten verbietten die angezuͦndten oͤpffer. vnnd die opffer vmb fride. das ſie geſchehen in dem tempel gottes. vnnd das ſye verbietten ſoͤlten die feyer. des ſabbaths. vnnd die hohtzeyttlichen tag. Vnd er hieß vermeiligen die heylig keyt. vnd das heylig volck yſrahel. Er gebot zebawen altar. vnd tepel. vnd bild der abtgoͤtter. vnd opffern ſchweynen fleyſch. vnd vnreyn vih vnd ir ſuͤn laſſen vnbeſchnitten. vn̄ das ſie ir ſelen vermeligten mit aller vnreinigkeyt. vnnd vnmenſchlichkeyt. alſo das ſie vergeſſen des geſetz es. vnd verwandelten alle getechtigkeit gots. Vnnd ein yegklicher. der da nit het gethan nach dez wort des kuͤnigs anthiocht das er getoͤdt wur de. Nach allen diſen worten ſchryb er allem ſeim reych. vnd ſatzte fuͤrſtē dem volcke. die ſie zwungē diſe ding zuͦ geſchehen. Vnnd ſie ſchuͦffen den ſtetten iude. das ſie opfferten. vn̄ es warden geſamelt vil von dē volek zuͦ in. die do verliſſen die ee des herren. vnd tetten die uͤbel auff der erden. vnnd ſie machten flüchtig. das volck iſrahel in die abweg vnnd in die verborgē ſteet der flüchtige. Aber an dez fuͤntzehendē tag des monets caſlew. das iſt des newnden monets in dem funffunduiertzigſten vnnd huͤnderſten iar. pawet der kuͤnig anthiochus einen vnmenſchlichē abtgott der zerſtoͤrung auff dem altar gottes. Vnd duͦrch alle ſtett iude in dem vmbkreyß bawten ſie altar. vn̄ vor den tuͦren der hewſer. vnd in die gaſſen anzuͦndten ſie weyrach vnd opfferten. Vnnd die buͤcher der ee got tes verbrenten ſie mit fewer. ſye zerſchnitten. vnnd bey eim yegklichem. bey dem gefunden wurden die buch er des geſetzes des herren. vnnd welch er behyelt die ee des herren. die peynigten ſie nach dez gebot des kunigs Vnd diß tetten ſie inn irem gewallt dem volck von iſrahel. die do wurden ſunden in den ſtetten in einē igk en moned. vnd an dem funfundzwē tzigſten tag des monets opffertē ſye auff dem altar. der do was gegen dē altar. vnnd die weyber. die ir ſun beſchnitten. die marteret man nach dez geſchefft des kuͤnigs anthiochi. Vn̄ hyngen auff die kinder bey dē helſeu durch alle ir hewſer. vnd marterten die. die ſie beſchnitten. Vnnd vil von dem volck von iſrahel wurden entlich zuͦ rat bey in ſelber. das ſye nit wolten eſſen die vnreinen vnnd vil mer erwelten ſie. zuͦſterben. wan̄ ver meyliget werdē mit den vnceynen ſpeiſen ſy wolten nit brechē dz heilig geſetz gottes vnd wurdē gepeiniget