Seite
Buch Das erſt Vnnd es wardgar ein groſſer zorn gottes vber das volck von iſrahel. Das IIII. Capit. ye mathathias die zerſtoͤrten ſtat ieru­ſalem beweinet. Vnd wie er die iuͦ­den toͤdtet. die abtgoͤtter anbetten/ en. Vnd wie er nach. dē er die abt­goͤter verſchmeht het. in die wuͤſtūg gieng. vn̄ wie er die iuden vermant bey dem geſetz zuͦ bleyben. n den tagen ſtūd auf mathatbias ein ſun iohānis desſuns ſime onis der prieſter auß dē ſuͦnē ioarim von iheruſalem. vnnd ſaſſe auff den berg modin. Vnnd er het fuͦnff ſün iohannan des zuͦnā iſt gaddis. vnd ſymeonem der zuͦgenāt iſt thaſi. vn̄ iudam der geheyſſen wz machabeus vnd eleazeron der do wz zuͦgenant abaron. vnd ionathan den man zuͦ namt aphus Die ſahen die uͤbel. dye da geſchahen in dem volck iuda. vn̄ in iheruſalem. Vnnd mathathias ſp rach Weemir. Warumb bin ich ge born zeſehen die zerkniſchung mey­nes volcks. vnnd die zerſtoͤrung der heyligen ſtatt. vnd do ſelbſt zuͦ ſitzē ſo ſie wirt gegeben inn die hand der veind. Die heyligkeyt iſt kumen in die hand der frembden. ſeyn tempel iſt als ein vnedler menſch. Die vaß irer glori ſeind gefangen hingefuͤrt die alten fein gepeiniget in den gaſ­ſen. vnd ir iungen ſeind gefallen in dem ſchwert der veinde. Welchs ge­ſchlecht der heyden hat nit geerbet ir reych. vn̄ hat nit behaltē ir rewb Al le ir zierung iſt hingenūmen Die do frey was. die iſt wordē ein diern Vn̄ nemtwar. vnd vnſer heyligkeyt. vn̄ vnſer zierung. vnnd vnſer klarheyt iſt verlaſſen. vnd die heyden haben ſie vermayliget. Darumb was ſoll vns noch zuͦ leben Vnd mathathi­as zerſchnit ſine kleyder. vnnd ſeyn ſun. vnd ſie uͤberdeckten ſich mit he rin kleydern. vnd klagten gar vaſt vnd die kumen do hin die von dem kuͦnig anthiocho geſant waren das ſie zwungen die da waren geflohen in die ſtatt modin zuͦ opffern vnnd an zuͦ zinden weyrach. vnd abtrettē von dem geſetz gottes. Vnd vil vō dem volck iſrahel nachhengten vnd giengen zuͦ in aber mathathias vn̄ ſein ſuͤn ſtunden ſtarck. Vnnd die do geſant waren von anthiocho. die at wurten vnd ſagten mathathie. Du biſt ein groſſer furſt vn̄ gar klar in der ſtat. vnd biſt gezyert mit ſünen mit brüder Darumb gee hinzuͦ. des erſten. vnd thun den willen. des ku­nigs als gethan haben alle geborn heyden. vnd die man̄ iuda. vnd dye bliben ſein in iheruſaleꝫ. vn̄ ſo wirſt du vnd dein ſuͤne vnder den freundē des kuͦnigs. vnd wirſt außgebreittet mit ſilber vn̄ mit gold. vnd mit vil gaben. Vnnd mathathias antwurt­tet. vnd ſprach mit groſſer ſtymme. Iſt das alle geboren heyden gehor­ſam ſeind dem kuͦnig anthiocho. al­ſo dz ir iegklicher abgee vō dē dienſt der ee irer veter. vnd verhengen ſey­nen gebotten. aber ich vnnd meyn ſuͦn vnd mein bruͦder woͤllen gehor­ſam ſeyn dem geſetz vnſer veter Got ſey vns genedig. vns iſt nuͤtz zuͦuer laſſen die geſetz vnnd dye gerech­tigkeytgottes. Wir woͤllen nit hoͤ­ren die wort des kuͤnigs anthiochi­vnnd woͤllen nit opffern vnd uͤber­geen dye gebott vnſer ee. das wir