Seite
Buch Das erſt vnd beſchnitten dy kinder wie vil ſy der funden vnbeſchnitten in den en­den iſrahel in der ſtercke. Vn̄ durch­echten die ſuͤn der hohffart. vnd das werck gelücket in iren henden. Vnd ſie behielten die ee von den henden d̓ heyden. vnd von den gewalten der kunigen. vnd gaben nit den gewalt dez ſunder Vnd es nahenten her zuͦ die tag mathathie zuſterben. In dē tagen redt mathathias vnd ſprach zuͦ ſeinen bruͤdern Ietzunt iſt geſter cket die hohfart vn̄ die keſtigūg. vn̄ die zeyt der wmbkerung. vnd d̓ zorn der vngenedigkeit. Darumb o mein ſun nun yetzunt ſeit liebhaber der ee gotes. vn̄ gebt ewer ſellē wmb die ge zewgknuß ewer veter/ vn̄ gedencket die werck der veter die ſie haben ge­than in iren geburtē ſo werdet ir em pfahen groſſe eer. vnd einen ewigen namen Abraham iſt der nit gefundē getrew in der verſuchung. vnnd es iſt im geſchetzet zuͦ der gerechtigkeyt Ioſeph in d̓ zeyt ſeiner angſt hat er behüt das gebott/ vnnd er iſt worden ein herr egipti. Finees vnſer vatter liebhabend die ee gottes hat genu­men die zewgknuͦß der ewigen pry­ſterſchaft. Iheſus da der erfullt das wort. ward gemachet ein kuͤnig inn iſrahel Caleph do der bezewgt in der ſamelung der glaubigē. do empfing er das erbe Dauid in ſeiner barmher tzigkeyt hat enpfangenewigklich dē ſtul des reichs. Helias. ſo der anhing der lieb des geſetzes er ward genum nen in den hymel Ananias azariaſ vnd miſahel gelaubend ſein ſie erloͤ ſeet worden von der flammen des fe­wers Daniel in ſeiner einfaltigkeyt iſt erledigt worden von dem mund der lewen. Vn̄ alſo gedencket durch das geſchlecht vnd geſchlechtē Wen̄ alle die inn in hoffen die werden nit kranck. Vnnd foͤrchtet euch nit vor dē worten des ſundigen manns. wann ſein ere iſt ein kot. vnnd ein wurm. Hewt wirt er erhaben vnd morgen wirt er nit funden. wann er iſt geke ret in ſein erde. vnd ſein gedanck iſt verdorben Vnd darumb. ir meyn ſun werdet geſtercket vnnd uͤber men lichen in dem geſetz. wenn ſo ir wer­det thun die ding. die euch von dem herrē vnſerm got gebotten ſein in dē geſetz in dē ſelbē werdt ir hoch erſam Vnnd nemt war. ich weyß das ewer bruͦder ſymon iſt ein man des iattes Darumb hoͤret in alle zeyt. vnnder wirt euch ein vater. Vnd iudas ma chabeus iſt ſtarck an krefften vō ſey­nen iungen tagen. der ſey euch eyn fu̇rſt der ritterſchaft. vnd er ſol thū den ſtreyt des volcks. vnnd ir ſollet zuͦfuͦren zuͦ euch alle wurcker des ge­ſetzes. vnnd rechet die rachſalewers volcks. Gebet wider dē heidē die wi­derzalūg. vn̄ habt den willen in dz gebot des geſetzes Vn̄ er geſegent ſy vnd ward zuͦgelegt zuͦ ſeine vetern­Vnd ſtarb in dem hundertſtenund ſehßunduiertzigſten iar. vnnd ward begrabē vō ſeine ſuͤnen in modin in den grebern ſeiner veter. vnnd alles iſrahel klaget in mit groſſer klage. Das IIIIIIIII. Capitel. Wie iudas machabeus appolloniū vnd ſeron den fuͤrſten des heers der ſyrier erſchluͦg. vnd von verſamlūg des heers liſie. Auch vonn dem heer der iuden.