Transkription / 2 [485

machabeorum CCXI..VII. die überbeleibung ihruſalem. vnnd abzenemen vō d̓ ſtatt ir gedechtnuß vnd das er beſtellet die außlendiſch en ſun zuͦ inwonern in allen iren en den vnnd teylet ir erd nach dem loß Vnd der kunig nam das uͤbrig teyl des heers. vnd gieng auß von anthi och ia der ſtat ſeines reychs an dem hundertenundſibenunduiertzigſten iar. vnd er uͤberſchiffte dz waſſer eufffraten/ vnd durchzoh die oͤberern ge genten. Vnnd liſias erwelet ptolomeum den ſun dorim. vnd nichanno rem. vnd gorgiam die da waren me chtig mann auß des kunigs freundē vnd er ſandt mit in. lx. tauſent man vnd ſibentauſent reytender. das ſye kamen in das land iuda vnnd das zer ſtorten nach dem worte des kunigs Vnd ſie zohen auß das ſie giengen mit aller ir krafft. vnd kamen vnnd zuͦfuͤgten ſich zuͦ amaum in der feldigen erden. Vnnd die kaufleut der gegent horten ir namen. ſie namen gar vil ſilbers vnd goldes. vnd geſellen. vnd komen in das heer dz ſie nemen zuͦ knechten die ſun iſrael. vn̄ ſich fugten zuͦ in. das heer ſirie. vnd die erd der außlendiſchen Vn̄ iudas ſah. vnd ſein bruͦder. wann die uͤbel merten ſich. vnd das heer zuͦnahent iren enden. vnd ſie erkante die wort des kuͦnigs. die er gebot dem volck ze thun zuͦ dem tod vnnd zuͦ der verzerung Vnnd ein iegklicher ſprach zuͦ ſeinem nehſten. Wir ſullen auffrich ten die verwerffung vnſers volcks vnd ſtreyttenffuͤr vnſer volck. vnnd vnſer heyligen Vnd es ward geſamelt die ſamlung dz ſie wern bereyt dem ſtreyt. vnd das ſie beten. vnd be ten die barmhertzigkeit vnd erbarmung Vnd iheruſalem ward nit in gewonet. aber ſie was als ein wuͤſte Es was nit der do ein gieng od̓ auß gieng von iren ſunnen. vnd das heylig ward zertreten. vnd die ſün der außlendiſchen waren in der ſpitzen. vnd do was die wonung der heydē Vnd der wolluſt was abgenomen von iacob. vnd do gebrach die ſchal mey. vnd die harpff Vnd ſie ſamleten ſich. vnd kamen in maſphat wider iheruſalem. wann die ſtat des ge bettes was in maſphat wider iſrael Vnd ſie vaſtetē an dē tag. vnd legten ſich an. mit herin kleydern. vnd legten aſchen auff ir haubt. vnd zer ſchnitten ire kleyder Vnd außbreitten die buͤcher der ee gottes. vō dē dy heyden foͤrſchten die geleichnuß irer abtgoͤtter. ſye trugen vnnd brachen die prieſterlichen kleyder. vnnd dye erſten frucht. vnd die zehenden. vn̄ ſye auffrichten die nazareos oder gehey ligten. die ir tag erfuͤlt herten. vnnd ſchryen mit ſtarcker ſtymm in dē hymel. ſprechend Was thun wir diſen vnd wohin fuͦren wir ſye Vnnd dein heyligen ſeind vnder getretten vn̄ ſein vermaliget. vnnd dein prieſter ſein wurden in ein klag. vnnd in demuͤtigkeit. Vnnd nim war die geboren heyden ſein zuͦſamen kummen wi der vns. das ſie vns zerſtrewen. Du weyſt die ding. die ſie gedencken wider vns Wie moͤgē wir beſteen vor irem antlitz. es ſey denn das du vns helffeſt. Vnnd mit puſaunnen ſchreiē ſie auß mit groſſer ſtymme. vn̄ darnach ſatzte iudas fuͦrer des volcks tauſenter. hunderter. funfftziger. vn̄ zehender. vnnd er ſprach zuͦ den die do heuſer bauten. vnnd namen wey ber. vnnd dye da weyngarten peltzeten. vnnd den zaghafftygen.