Transkription / 2 [512

Das erſt Buch vnſer. Vnnd fuͤrwar wir haben gebotten euch zuͦ botſchfften diſe ding Vnd ionathas het gehoͤret das dye fürſten demetri auß ſeind gegangen wider in zuͦſtreyten mit einem heer vil groͤſſer dē vor. er gieng auß von iheruſalem. vnd gieng in entgegen in das land amathite. wann er gab in nicht zeyt das ſie eingiengen ſeyn gegent. Vnnd er ſandt in ire gezelt vnd ſie widerkerten vnd verkündeten das ſy hetten beſtellet daher zekummen des nachts. Aber do die ſunn was vndergangen. do gebot ionathas den ſeinen zuͦwachen. vn̄ zuͦſein bereyt in dem wappen dy gantzen nacht zuͦ dem ſtreytte. Er ſe tzet huͤtter durch den vmbkreyß der gezeld. Vnd die widerwertigen hoͤr ten das ionathas mit den ſeinen bereyt wer in den ſtreit. vnd ſie forchtē in. vnd in den hertzen grauſet in vn̄ in iren gezelden zündten ſye an dye herd. Aber ionathas vnnd die mitt im warn wyßten das nit. vntz zuͦ dē morgen. Aber ſye ſahen brinnende liecht. vn̄ ionathas volget in nach vnd begriff ſye nicht. wan̄ ſie waren gegangen uͤber den fluſs eleutherū Vnnd ionathas widerkeret zuͦ den arabes die man nennet zabadei. vn̄ ſchluͦg ſie vn̄ nam ir reub. vn̄ band ſie. Er kam gen damaſcuz vn̄ durch zoh alle diſe gegent. Symon aber gieng auß. vnnd kam gen aſcollon. vnd zuͦ den nehſten zuͦflüchten. vnd neiget ſich in ioppen vnd bekümmert ſie. Wann er hoͤret das ſie woltē ge ben dy ſtat der zuͦfluht den teylen de metrij. vnd er leget da hin huͦter dz ſie die behüten Vnd ionathas keret wider vnnd vodert zuͦſamen die eltern des volcks. vnnd gedacht mitt in zuͦ bawen die zuͦfluͤhtigen ſtett in iudea vnd auch zebawen die maurē in iheruſalem. vnnd zuͦerhoͤhen eyn groſſe hoͤh zwiſchen dem mittel der ſpitzen vnnd der ſtat. das er ſye teyl te vonn der ſtatt. Das ſie wer beſun der. vnd das ſie nicht kaufften noch verkaufften Vnd ſie kamen zuͦſamē das ſie bawten die ſtat. vn̄ die maure. die do was ob dem anlauffenden bach. von dem aufgang der ſunnen die was nider geuallen. vnnd er wi derbawet ſie. die do heyſt capheteta Vnd ſymon bawt adiada in ſephela. vnd er vmbmauret ſie. vnd ſetzet darein tor vnd ſchloß. vnnd als triphon hett gedacht zeregieren aſye. vn̄ zuͦnemen die künigklichen kron vnnd auß zuͦrecken die hand wider dē künig anthiochum aber erforcht das villeicht ionathas im das nitt verhenget. ſunder dz er würde ſtrey ten wider in. darumb ſucht er in zeuahen vnd zetoͤdten Vnnd machet ſich auff. vnnd gieng ab in bethſau. vnd ionathas gieng auß im entgegen mitt viertzigtauſent außerwelten mannen in den ſtreyt. vnd kam in bethſau. Vnnd triphon ſah das io nathas kam mitt einem groſſen heer. daſ er wider in außrackt dy hand vnd er forcht ſich. vnd empfieng in mit eren vnnd er beualh in allen ſei nen freunden. vnd gab im gabe. vn̄ er gebot ſeinen heeren das ſie gehorſam weren im. als im ſelber. das er wider in nit außrackt die hand. vnd ſprach zuͦ ionathā Warūb baſtuge müet alles volcke. So doch vns iſt keyn ſtreyt. Vnnd nun wider ſende ſie in ire heuſer. aber erwele dir wenig man̄ dy bei dir ſeyē vn̄ kum mit mir in ptolomaidam. vnd ich will