Transkription / 2 [517

Machabeorum CC XIIIIIIII in iren̄ eingang. Vnd wir haben ge ſchriben in den reten des volcks. wz von in alſo geſagt was. numenius anthiocht vnnd antipater der ſun ia ſonis die boten d̓ iuden ſein kummē zuͦ vns vnnd haben wider vernewet mit vns die erſten fruͤntſchafft. Vn̄ dē volck hat wol geuallen die man̄ erlichen auff zuͦnemen. vnd zuͦlegen dz ebenbild irer rede in den abgeſün derten buͤchern des volcks. alſo das es ſey zuͦ einer gedechtnuß dez volck ſpartiatarum. Aber wir haben geſchriben d̓ ſelbē brieff ein abgeſchrifft dem groſſen prieſter ſymoni. Aber darnach ſant ſymon numeniū gen rom. der do hat eyn groſſen guldin ſchilt des gewichtes tauſent pfundt zuͦ beſtetigen mit in ein geſelſchafft Aber als das roͤmiſch volck het gehoͤrt diſe red. ſye ſprachen. wz danckperkeit ſoͤllen wir widergeben ſymo ni. vnd ſeinen ſünen. Wann er hat widerbracht ſein brüder. vnnd hatt überſtryten die veind vō in. Vn̄ ſie beſtellten im freyheit. vnnd ſchriben die in erin taffeln. vnnd legten die in ein uͤbergeſchrifft in den berg ſyon. Vnd das iſt dz ebenbild d̓ geſchrifft An dem achtzehenden tag des moneds ebul. daſ iſt des herbſtmeyen in dē hunderſten vn̄ zweyunsibentzigſten iar in dem dritten iar. vnder ſymone dē groſſen prieſter in aſſaramel in der groſſen ſamlung d̓ pryeſter vnd des volcks. vnd der fuͤrſten der heiden vn̄ der elteſten des reichs ſein diſe ding offenbar. das fleyſſigklichen ſein geſchechen ſtreyte in vn̄ ſerm reich. Aber ſymon der ſun mathathie auß den ſuͤnen iarib. vn̄ ſein bruͤder haben ſich gegeben in geuer ligkeit. vnnd ſein widerſtanden den widerſachern ires volcks. darumb das beſtünden die heyligkeit der hei ligen vnd geſetze. vnd ſie haben gegroͤßt mit groſſen eren ir volck Vn̄ ionathas hat geſamelt ſein volck. vnd iſt in worden eyn groſſer pryeſter. vnnd er iſt zuͦgeleget zu ſeynez volck. Vnnd ir veynd wolten zertretten vnnd zerkniſchen vnnd auß ſtrecken dye hende in die heyligkeyt der heyligen. Da widerſtuͦnd ſymo vnd ſtrytt vmb ſeyn volck. vn̄ gab auß vil geltes. vn̄ wappet die man̄ der ſtercke ſeyns volcks vnd gab in ſold. Er vmbmauret die ſtatt iudee vnnd bethſuram. die do was in den en den iudee do dann warn die wap pen der feynd vor zeyten. vnd vmb mauret ioppen. die do was an dē me re. vnd gazaram die do was in den enden azoti. in der vor zeyten wonten dye feynd. Vnd daſſelbſt ſatzt er die iuden. vn̄ alle ding. die do warn geſchicket zuͦ irer ſtraffung dye ſetzt er in in. Vn̄ das volck ſah dz werck ſymonis vnnd die ere die er gedacht zethuͦn ſeinez volck. ſie ſatzten in zuͦ irem hertzogen vnd zuͦ einem fuͤrſtē der pryeſter. darumb das er het gethan alle diſe ding. vnnd das er behielt die gerechtigkeit vnd den glau ben ſeynem volck. Vnnd er ſuͦchet gantz zuͦ erhoͤhen ſeyn volck. Vnnd in ſeinen tagen hatt es gelücket in ſeynen henden. dz dye heyden vō irē land wurdē vertryben. vnd dye do warn in iheruſalem in der ſtat Dauid in der ſpitzen. vō der ſie fuͤrgiengen vnd vermayligten alle dinng dye do warn in dem vmbkreyß der heyligen. vnnd dye do eintruͦgen ein groſſe plage dē tempel vnd der keuſ cheit. vn̄ ſetzet darein iuͤdiſch mann