Transkription / 2 [520

Buch Das erſt reichs ire end habt ir verwüſtet. vn̄ habt gethan ein groſſe plag auff d̓ erden. vn̄ habt geherſchet durch vil ſteet in meinē reych Darumb yetzūd gebt dye ſtett. die ir habt bekumert. vnd die zynſee der ſtett. in den ir habt geherſchet auſſer dē endē iudee. woͤllet ir aber nicht. ſo gebet für ſy fünf hundert pfunt ſilbers. vnd der außiagung. die ir außgeiaget habt. vnd der rennt der ſtet. ander fuͤnffhūdert pfundt. Iſt aber das nit. ſo woͤllen wir kumen vnnd ſtreyten wid̓ euch Vn̄ anthenobius des kuͤnigs freūd kam in iheruſaleꝫ. vnnd ſah die glo ri ſymonis. vnd die klarheit in gold vnd in ſilber vn̄ vil koͤſtlichkeit. vn̄ er wundert ſich. vnnd ſaget im dye wort des kuͤnigs. Vnd ſymon antwurt vnd ſprach zuͦ im Wir haben kein ander land genumen. ſo beſitzē wir auch keyn frembde erde. aber dz erb vnſer veter. das vor etlichen zey ten von vnſern veynden iſt vngere chtigklich beſeſſen. aber ſo wir habē werden die zeyt ſo woͤllen wir rechē das erb vnſer vetter Aber von ioppe vnd gazara. die du vorderſt. die tetē ein groſſe plag in dem volck. vn̄ in vnſerm land der geben wir hūdert pfundt. Vn̄ anthenobius antwurt im kein wort. Aber er widerkert mit zorn zuͦ dem künig. vnd verkuͦndet im wider diſe wort vnd die glori ſymonis. vnd alle ding die er het geſe hen. vn̄ der künig ward zornig mit groſſem zorn. Aber triphon floh in eim ſchiffe in orthoſaidam Vnnd der kuͤnig ſetzet cendebeū. einen hertzogen der ſtett an dem mere. vnd eyn heer der reiſſigen. vnnd der fuͦßgeenger gab er im. Vnd gebot im zebewegē die gezeldt der gewappenten wider das angeſiht iudee. vnd er gebot im zebawen zedronem. vn̄ zuͦuermuren die porten der ſtatt. vn̄ dz volck zuͦ uͤberſtreytē. Aber der kuͦnig durch echtet triphonem Vnnd cendebeus kam vntz gen iamniam vnnd huͦb an zuͦ reytzen das volck vnd zertret ten iudeam. vnd zeuahen das volck vnd zetoͤdten. vnnd zebawen zedro nem. vnd ſetzet dohin reyttend vnd ein heer das die außgiengen vnnd durchzuͦgen den weg iudee. als im geſetzet hett der kuͤnig Das.VII. Capi Wie Symon vnd anthiochus dye verpütnuß dye ſie mitteinander gemacht hetten. nicht hielten. vnd wie ſimon ſtarb vnd iohannes ſein ſun nach im regieret. Ho iohannes gieng auff von gazaris vnd verkündet ſymoni ſeinem vater. die ding die do tet cen debeus wider ir volck. Vnd ſymon vordert ſein zwen elteſt ſün iudam vnd iohannes. vn̄ ſprach zuͦ in Ich vn̄ mein bruͦder. vn̄ das hauß meynes vaters haben außgeſtrytten vō vnſern iungen tagē vntz in dē heutigen tage die veynde iſrahel. vn̄ es hat gelücket in vnſern henden zerloͤſen iſrahel etweoft. Aber nun bin ich alt worden Aber ir ſoͤllet ſein an meiner ſtat vn̄ meins bruͦders vnd ir ſolt außgeen zeſtreyten vmb vnſer volck. Aber die hilff vō dē himel ſind mit euch. Vn̄ er erwelt von dē land zweyntzigtauſent ſtreytperlicher mon. vnd eerend vnd hin zuͦ cendebeum. vnd ſie ſchlieffen