Transkription / 2 [552

Buch Das ander ſo er doch von dem man̄ vnuerſeret wer. ſo er aber dē kuͤnig nit kuͤnd wi derſteen behielt er im ein bequemliche zeyt. in der er volbrecht dz gebot Vnd machabeus ſah das nichanor ernſtlicher mit im thet vnnd das er den gewonen gegenlauff gruſamlicher erzeygt. er verſtuͦnd. das diſer ernſt nit was auß guͦtem do ſamelt er zuͦſamen ein wenig der ſeinen vn̄ verbarg ſich vor dem nichanor. Do der das erkannt das der alſo vō dez mann was fürkumen. do kam er in den aller groͤſten vnd heyligſtē tem pel. vnd do die prieſter opferten die gewoͤnlichen opfer. do hieß er im ge ben den man Do ſprachen dy bey dē eyde. das ſie nicht weſten. wo er wer den er ſuͦchet. do ſtrecket er auß dye hand zuͦ dem tempel. er ſchwuͦr vnd ſprach. Es ſey den. das ir mir iudaz gebt gebunden. ſo will ich den gottes tempel nider legē in die ſchlicht. vnd den altar vmbgraben. vn̄ den tempel wird ich legen dem vater libero. das iſt dem abgot bacho Vnd do er ditz geſprach. do gyeng er ab. Aber die prieſter außrechtē ir hende in den himel vnd ruͦfften den an der do allzeyit iſt eyn beſchirmer ſeynes volcks. vnd ſprachen alſo. Du herr aller ding. der du niemands bedarff feſt. du wolteſt das der tempel wuͤrde in vns dein inwonung Vn̄ nun du heiliger herre aller heyligen. behalt ewigklich vnuermeyliget ditz hauß. das do newlich iſt gereyniget Es was aber Kaſias einer der elte ſten vō iheruſalem fuͤrgetragen nichanori. der man was ein liebhaber der ſtat. vnnd wolhoͤrend. der vmb die begird ward genant ein vater d̓ iuden. Diſer hielt lang zeyt dē fürſatz der keuſcheyt in der diſcheyt. vnd im genūget. das er leib vnd ſel ſolt geben durch dye verhertunge. Es wolt aber nichanor offenbaren den haß. den er het wider den iuden. vnd ſendet fünffhundert ritter. das ſie in begriffen. wann er wenet. wer es das er in het betrogen. das er einē groſſen val den iuden wurd thuͦn. Aber do dy ſcharen einfielen in ſein hauß. vnnd die tuͤr zerbrachen. vnnd fewr anlegten begirlich in yetzund zuͦuahen. do ſchluͦg er ſich mitt dem ſchwert er erwelt lieber adelichzeſter ben. wann werden vndertenig den ſündern. vn̄ wider ſein edel geburt geübet werden mit vnwirdigen rechten Do er aber von des eylens we gen het im nicht gegeben einen gewiſſen ſchlag der wunden. vnnd do die ſchar zwiſchen der tuͤr eyntrungeen. do lieff er künlich zuͦ der maur vnnd ſchupfft ſichſelbs manlichen in die ſchar. alſo gaben ſie eylend ſtatt ſeynem vall do kam er durch dz mit tel des hals. Vnd do er noch etmet do ſtuͦnd er auff angezündt in dem gemuͦt. vn̄ da ſein bluͦt hinfloß mit groſſem fluſs vnnd gar ſchwer was verwundet. die ſchar. mit dem lauſ er durchgieng. vnd ſtuͦnd auff eyne hohen felfen vnd do er nun on bluͦt was worden. do begryff er ſeyn gederm mit beyden henden. vn̄ warff es auff die ſchar. vnnd rüffet an den herſcher des lebens vnd geyſtes das er im diſe aber wider gebe. vnnd al ſo des lebens ſtarb er Das.V. capitel