Transkription / 2 [637

Luce. Coch IIIIIIIIII. Gancti ir freund hortē. das der herr het groß gemacht ſeyn erbermde mit ir. Sye frewtē ſich mit ir Vn̄ es ward getan an dē achten tag kamē ſie zebeſchnei den das kind. vnd nanten es mit dē namenſeins vaters zacharias. Sein muͦtter antwurt vnd ſprach. Mitni chte. aber es ſoll heyſſen iohānes. vn̄ ſie ſprachen zuͦ ir. Nun iſt doch nyemant in deim geſchlechte. der do iſt geheyſſen mit diſem namen. vn̄ winckten ſeim vater wie er es wolt heyſ ſen. Er hieſch ein tafel. vnnd ſchryb ſagend. Iohannes iſt ſein nam. vn̄ all wunderten ſie ſich. vnnd zehand ſein mund vnd ſein zung ward auff gethan. vnd redt. vnd geſeget gott. vn̄ ein vorcht ward über all ir nach bawren. vnnd uͤber alles gebirg iudee. wuͤrden lautmer alle dyſe wort vnd alle die ſie horten. die ſatzten ſye in ir hertz ſagend. Wer wenſtu das ditz kind werd. Wann die hand des herren was mit im. vnnd zacharias ſeyn vatter ward erfuͤlt mit dez hey ligen geyſt. vnd weyſſaget ſagend. Geſeget iſt der herr got iſrahel. wan̄ er hat heymgeſucht. vnd hat gethon die erloͤſung ſeins volcks. Vnd hat vns anffgericht das horn des heyls in dem hauß dauid ſeins kindes Als er hat geredt durch den mund ſeiner heyligen weyſſagen. die do ſeynd vō der welt. Das heyl auß vnſern vein den. vnd von der hand aller der. dye vns haßten. zetun die erbermbd mit vnſern vettern. vnd zegedencken ſei ner heiligē gezeugkniß. das geſchwo ren recht das er ſchwor zuͦ abraham vnſerm vater. ſichſelber vns zegebē Das wir im dienen on forcht erloͤſet von der hand vnſer veind In heyligkeyt. vnnd in gerechtigkeyt vor im all vnſer tag. Vnd du kind wirdeſt genennet werden ein weyſſage des hoͤhſten. wann du wirſt vor geē vor dem antlitz des herren zebereytten ſeynen weg. Zegeben die wiſſen heyt des heyls ſeinem volck inn dye vergebung irer ſunde. Durch die ge lyder ir erbermbde vnſers gots. In den er vns hat heymgeſuchet auffge end von der hoͤh. zeerleuchten dye. die do ſitzen in den vinſternuſſen vn̄ in dem ſchatten des todes. zerichten vnſer fuͦß in den weg des frydes Vn̄ das kind wuͦchs vnd ward geſterckt imm geyſt. vnnd was in der wuͤſten vntz an den tag ſeiner erzeigung zuͦ iſrahel. Das IIII Capi. Wye Criſtus geborn. von den engeln ver kuͦndet. am achten tag beſchnyten. Darnach gein iheruſalem gebracht Vonn ſymeone empfangen Vnnd durch annam die prophetin von dez kind geweyſſaget Vnd wie das kind zwelff iar alt. in dez tempel in mittē der lerer gefunden ward. d es geſcha inn den tagen. eyn gebot gyeng auß von dem keyſer auguſto. Das alle welt wuͤrd beſchryben. Diſe erſt beſchreibūg ward gethan vonn dem richter cirino inn ſiria. vnnd ſie giengen all. das ſy be kentten ein yegklichen in ſeiner ſtatt Vnnd auch ioſeph giengauff von galilea. von der ſtatt nazaret. in iudea in die ſtatt dauid. die do iſt geheyſſen bethleem. Darumb das er was von dem hawß. vnnd von dem ingeſind dauid. das er verieh mit maria ſeyner vermehelten. vnnd ſchwangern Or iiij