Transkription / 2 [721

zu den bromern CCC VI erſten erkant in dem iuͦdiſchen land Wir ſein erloͤßt von egipto mit zei chen vnnd mit den krefften gottes. dz mere mitt trucknem fuͦß haben wir durchgangen. da die ſchweriſtē flüſs vnſer veynde bedeckten. vns hat ge regnet das himelbrot der herr in der wuſte. vnd als ſeinen ſuͤnen hatt er vns die ſpeiß gereychet. Vns gieng er vor tag vnnd nacht in der ſewl deſ wolckens vnnd des fewers. das er vns auff den vnweg. den weg zeygt Auch dz wir der andern vnauſſprechenlichen guͦttatte. die er vns erzey get hat. geſchweygen. ſo ſein wir allein wirdig geweſen das geſetz gottes zuͦ empfahen. vnnd zuhoͤren dye ſtym gots reden. vn̄ ſeynen willen erkennen. In dez geſetz iſt vns chriſtus gelobt. vnd hat bezeugt. das er zuͦ dem kumen iſt ſagendt. Ich bin nitt kumen dē allein zuͦ den ſchaffen die da verdarben des hauſs iſrahels ſo er euch mer hund hieß denn men ſchen. Darumb iſt das nicht recht dz ir vns geleych ſolt geacht werden. Dye ir hewt habt verlaſſen dye abgoͤtter. den ir vom anfang habt gedent. vnnd nit billicher in die ſtatt d̓ newbekerten auß dez gewalt des geſetzes von der gewonheit geſchetzet werden. noch daſſelbig habt ir nitt verdyenet nur allein das dye milte barmhertzigkeyt gottes euch laſſen wolt zuͦ vnſer nachuolgung. Aber die heyden antwurten dargegen. ye mer guͦttatte gottes ir bey euch verkuͤndiget. iemer ſünde ir euch ſchuldig erzeyget. wann in allen dingen ſeyt ir allwegen vndanckber gewe ſen. wan̄ mitt den füſſen mitt den ir das trucken mere uͤbergiengt tantzt ir vor den abgoͤttern dy ir macht vn̄ mit dem mund. mit dem ir ein klein zeyt vor von des todſchlags wegen ewerer widerſacher. dem herren ſun get. da begertet ir daſ euch abgoͤtter wurden. vnd mit den augen. mit dē ir pflagt anzeſehen gott in der wolcken. vnnd in dem fewr erend. ſahet ir auch an die abgoͤtter. auch das hy melbrot iſt euch verdroſſen geweſen vnnd allweg in der wüſt wider den herren habt ir gemurmelt. vnd wol tet widerkeren in egipte. vō dann en euch der herr außfuͤrt mit mechtiger hand. was mer. ewer vetter alſo mit manicher reytzung den herren reytz ten. das ſye all in der wuͤſt ſturben. alſo das nicht mer von den elteſten wen̄ zwen in das gelobt land giengen Aber was ernewen wir euch dy alten ding. wann ir auch dye dinng mit nichten hetten gethan. vō dem allein euch nyemandt vrteylet wirdig der gnad. das ir den herren iheſum criſtum der euch durch der weiſ ſagen ſtym allweg iſt verheiſſen ge weſen. nit allein nitt woltet auffne men. aber auch mit ſchnoͤdiſtes tod habt verderbet. Den. ſo wir in erkāten. zuͦhant gelaubten wir. ſo vns vō in vor nicht geprediget wz. Dar umb beweyſen wir. das wir dienten den abgoͤttern. nit iſt zuͦ ſchetzen der verſtockung des gemütes. Sunder dem vnwiſſen. Wann ſo wir dez er kanten yetzunt nachuolgen So het ten wir in ettwa auch nachgeuolgt hettē wir in vor erkennet. alſo aber berümt ir euch vō dē adel ewers geſchlechts. als mache euch nitt merer die nachuolgūg der ſitten dann die leyplich geburde. das ir ſeyt ſuͤn der heyligen Auch eſaw vn̄ yſmahel. ſo ſie ſein von dem geſchleht abrahās