Seite
Epiſtel Die doch werdē ſie nitt vn̄ der die kinder gezelt. darūb da die alſo mitteinan­der kriegten. d̓ apoſtel legt ſich dar­zwyſchen. vnd alſo dy frage d̓ wider teyl vrteylet. das er keynen teyl be­ueſtiget. das er mit ſeiner gerechtig­keit das heyl het verdient. ſund̓ zey­geet das die beide voͤlcker ſchwerlich geſündet haben. dye iuden. das ſye durch die uͤbertrettung des geſetzes got geuneret haben. aber dy heyden ſo ſye erkanten von der creatur den ſchoͤpffer da ſolten ſy den als got ge eret habē. Aber ſie verkertē ſein glo­ri in die abgoͤtter mit der hand ge­machet. doch das ſie zuͦ beyder ſeytē die genad eruolget hatten. zeygt er in durch die warhafftigiſten vrſach das ſye geleich ſeyen voran. So er erzeyget das in einem geſetz vor ge­ſaget ſey. das die iuden vnd die hey­den zu dem gelauben chriſti ſolten beruͤffet werden. von welchs dings wegen er ſie gegen einander demü­tiget. vnd zuͦ dez frid vnd eynnigkeit ermanet. Aber ein ander ſunderliche vorred anzeygende waſ die meinūg diſer gantzen epiſtel ſey Ie romer ſind des teyls wel­ſcher land. dye ſind fuͤrkumen von den valſchen botten. vn̄ waren vnder dez namen. vnſers her ren iheſu criſti vngelert in dz geſetz vn̄ in die propheten. Diſe wider vor dert der apoſtel zuͦ dem waren vnd zuͦ dem euangeliſchen gelaubē. ſchri bend in von corintho. Hie hebt ſich an ſant paulus epiſtel an die roͤmer ge ſchriben. Vnd in.xvj. capitel getey­let. darin̄ er vns von den heidniſchē irrſalen vnd ſittlichen dingen zuͦ dē waren vnd criſtenlichen gelauben beruͤffet vnd vordert. Das erſt Capitel Aulus eyn lenecht Ie ſu chriſti genāt eyn apoſtel geſündertin das euangeliū gots das er vor verhieß durch ſein weyß­ſagen in den heyligen geſchrifftē vō ſeim ſun. d̓ in iſt gemacht vō dem ſa men dauid. nach dē fleyſch. der da iſt vorgeordent d̓ ſun gots in der kraft nach dē geiſt d̓ heyligkeit auß d̓ vr­ſtend der todten vnſers herrē iheſu chriſti. durch den wir empfiengē dye gnad vnd das apoſtolat. zuͦgehorſa men dē glauben in allen leutē vmb ſeinē namen. in dē auch ir ſeit geuor dert ieſu criſti mit allen geuordertē heyligen. die da ſind zuͦ rom den ge­liebten gottes. genad ſey mitt euch. vn̄ d̓ frid vō got vnſerm vater. vn̄ dē herren iheſu criſti. Wan̄ ich ſagt zum erſten danck meines got durch ieſum criſtū. vmb euch all. wan̄ ewr glaub wirt verkuͤndet in aller welt wan̄ got iſt mir ein gezeug. dem ich diene im meinem geyſte in dez euan geliuꝫ ſeines ſuns. das ich thuͦ ewer gedenckung zuͦ allen zeyten on vn̄ derlaß in meinē gebettē emſſigkich bittend ob ich in etlicherweiß. ettwe zuͦ zeyten hab eynen gelückſeligen