Seite
zuͦ den Corinthiern Cō A hafftig. Wiſſt ir nitt. das die do lau fen in dem zyl alle lauffen ſie. Aber einer empfeht den lon. alſo laufft. dz ir begreyffet. Wann ein yegklicher der do ſtreit amm ſtreit. der enthabt ſich von allen dingen. vnnd die. das ſie empfahen die zerſtoͤrlichen krone aber wir dye vnzerſtoͤrten. Darumb alſo lauff ich nitt als in vngewiſs. Alſo ſtreyt ich. nit als ſchlahend dē lufft. Wann ich keſtige meinē leyb. vnd kere in in den dienſt. ſo ich den andern predig. das ich villeicht nitt werd verworffen. Das X. Capitel An bruder ich wil nit. das ir nitt wiſſet wann. vnſer vetter ware all vnder den voͤlckern. vnnd alle uͤbergiengen ſie das meer. vnd alle ſeind ſie getaufft in moyſen in den woleken. vnd in dem meer. vnd alle aſſen ſie ein geiſtlich eſſen. Vnd all truncken ſie eyn geyſtliches tranck. wann ſie truncken von dem geyſt­lichen felſen der in nachuolgte. Aber der felß was chriſtus. aber gott dem was nit wolgeuallend in manigen auß in. wann ſie vielen in der wuſte aber diſe ding ſeind gethan in vnſer figur/ das wir nit ſein begerer der uͤ­beln ding. als auch ſie begeret habē. noch ſollet ir werden diener der abt­goͤtter. als etlich vß in. als geſchrybē iſt. Das volck ſaß zeeſſen vnd zetrin cken vn̄ ſtūdauff zeſpylē. Noch ſollē wir vnkeuſchen. als etlich auß in ge unkeuſchet haben. vnnd vielen ann eim tag dreiundtzwentzig tauſendt. Noch ſoͤllen wir verſuchen chriſtuꝫ als ettlich auß in verſuchten. vnnd verdurben von den ſchlangen Noch ſollet ir murmlen. als ir etlich mur melten. vnnd verdurben vonn den verwuͤſtern. Aber alle diſe ding ſein geſchehen in der figur. aber ſie ſeind geſchryben zuͦ vnſer beſſerung. In die. die end der welt ſeind kummen. Darumb der do meinet das er ſtee. Der ſeh das er nit vall. Die verſuͦch ung begreyfft euch nit. nur die men­ſchlich Wan̄ got iſt getrew. der euch nit leidet zuͦuerſuchen uͤber das. das ir moͤgt. wann er thut auch merūg der tugenden mit der verſuchunge. das. das ir ſie muͦget erleyden. Dar­umb aller liebſten. flyeht von dem dienſt der abgoͤtter Ich red mit euch Als mit den weiſen vrteyl ir dz ich ſag. Den kelch des ſegens dē wir geſe geen. iſt er nit ein gemeinſamūg des bluͦtes chriſti. Vnd das brot dz wir brechen. iſt es nitt ein teylung des leybes des herren. wann wir ſein vil ein brot. vn̄ ein leib. wir all. Die wir teylnemen von einē brot. Seht yſra hel. nach deim fleiſchs. die do eſſen dy opffer. ſeind ſie denn nitt teylhafftig des altars. darumb/ was ſag ich. Dz do wirt geopffert dē abtgoͤttern. ſey ein ding. oder das der abtgot ſey ein ding. wann die ding. die die heyden opffern die opffern ſie dem tewfel. vnd nit gott. Ich wil aber nit. das ir werdet geſellen der tewfel. wann ir muͦgt nit getrincken den kelch deſ herren. vnnd den kelch der teufel. ir moͤget nit teylhafftig ſein des tiſch des herren. vnnd des tiſch der teufel Oder ſehen wir den herren. Sey wir denn nit ſtercker denn er. Alle dinng gezymmen mir. aber nit alle dinng ſein nntz. alle ding gezymmen mir. Z iiij