Seite
Die Epiſtel aber nit all ding bawen. keyner ſuch das ſein iſt. wann das do iſt eins an dern. Alles das do wirt verkauffet vnder den fleyſchbencken. das eſſet vnnd fraget nichts vō des gewiſſens wegen. Die erd iſt des herren. vnd ir erfuͤllung. ob euch etlicher der vnge laubigen ruffet zuͦ dem obenteſſen. vn̄ ir woͤlt geen. alles das euch wirt fuͤrgeſetzt. das eſſt. nit fragt vmb dy gewiſſen. Spricht aber einer das iſt geopffert den abtgottern. ir ſollet es nit eſſen. vmb den der es hat geſagt vnd vmb die gewiſſen. Aber ich ſage nicht vmb dein gewiſſen. aber des an dern. warumb wirt dann geurteilet mein freyheit von einer frembdē ge­wiſſen. Ob ich bin teylhaftig mit der genade. warumb wird ich geleſtert. darumb das ich danckberkeit ſage. Darumb ob ir eſſt oder trinckt oder thut ein ander ding. alle ding ſollet ir thuͦn zuͦ der glori gottes. Seydt on ſchaden den iuden. vnd den hey­den. vnnd der kirchen gottes. Als auch ich wolgeuall allen durch alle dinng. ich ſuch nit das mir iſt nutz. aber manigen. das ſye heylſam wer­den. Das XI. Capitel Eit mein nach uolger als auch ich Chri­ſti. wann bruͦder ich lobe euch dz ir mein ingedenck ſeyt durch alle ding. vnnd haltet meine gebott als ich euch habe gegeben. Aber ich wil das ir wiſſet. das criſtus iſt eyn haubt eins yegklichē manns. Aber der man iſt eyn haubt des weybes. aber got iſt ein haubt chriſti. Ein ig klich man betend. oder weyſſagend mit bedecktem haubt vermayliget ſein haubt. Aber eyn yegklich weyb bettend oder weyſſagend mit vnbe decktē haubt. beſchnodiget ir haubt Wann ein ding iſt. als ſie wuͤrd be­ſchoren. vnd ob das weyb nit wuͤrd bedechr So wuͦrd ſie beſchoren. Iſt denn ſchnoͤd dez weyb. das ſie beſcho ren werd. oder glatzet. ſo bedecke ſye das haubt Aber der ma ſol nit dechē ſein haubt. wann er iſt ein bild vnnd die glori gottes. aber dz weyb iſt ein eer des manns. Wann der man iſt nit auß dem weib. aber das weib auſ dem man. wann der man iſt nit ge­ſchaffen vmb dz weib. aber das weib vmb den mā. Darumb ſol dz weyb haben ein bedeckung auff irē haubt vnd vmb die engel. Iedoch noch d̓ man. on das weib. noch dz weyb on den man imm herren. Wann als das weib iſt von dem man. alſo iſt auch der man durch das weib. Aber alle ding ſeind auß gott. vrteylet ir ſelb. gezimpt es dem weib vnbedeckt anzebetten got. noch auch die natur leret euch. Wann ob der man zewht hare. es iſt im ein laſter. ob ir aber dz weib zeuht har. es iſt ir ein eer Wan̄ die har ſeind ir gegeben zuͦ einer be­deckung. wir aber einer geſehen das er kriegiſch ſei. wir haben nit ein ſol­lich gewonheit. noch die kirchē got­tes. Wann diß gebewt ich. nit lobet das ir nit zeſame kummet in beſſerūg. aber in ergerung. fuͤrwar ſo ir ewch zuͦm erſten ſamelt in d̓ kirchē. ich hoͤ re das zwitracht vnder euch ſein. vn̄ ich glaub es auch ein teyl. wann es muͤſſen ketzerey ſeyn. das die do ſind beweret. werden offenbar vnd̓ euch darumb ſo ir zuͦſamen kummet. yetzūt iſt nit zuͦeſſen das herrlich abentes/